Tajin ya’ik uchuq’ab’ ya’el b’ixik pa taq aninaqil rumal ri Tránsito PNC

Tajin ya’ik uchuq’ab’ ya’el b’ixik pa taq aninaqil rumal ri Tránsito PNC

K’o jun k’ak’ q’axel tzij pa uwachwuj pa kaqiq’ xkoj rumal ri Departamento rech Tránsito rech ri Policía Nacional Civil (DT-PNC) rech b’anoj ilonem pa aninaqil pa taq nimab’e, xuquje’ rech kab’an ri k’ak’ taqanem pa wokajil. Are ri’ ri Asistente Policial Virtual “Chatbot”, rech ya’tal chi ke ri winaqil kakiya loq ub’ixik pa aninaqil ri k’ax kak’ulmataj pa nimab’e ri’, ri kub’al k’u’x ruk’ ri código QR, wene’ ruk’ utaqik loq jun ub’ixik tz’ib’am loq pa retal ri WhatsApp 2315-2667 ri’.

Eri Ministro rech Gobernación, Francisco Jiménez, sib’alaj xuya ub’ixik chi k’o nim upatan wa’ we b’anowem virtual ri’ rech pa kechomaxik ri winaqilal pa juntir ub’antajil pa aninaqil pa tinamit. Xuquje’ sib’alaj xub’ij che are nim retal we kab’an ri chajinem pa taq nimab’e pa taq tinamit xuquje’ are rech kaq’atexik kakiriq ta chi k’ax ri winaqil pa taq nimab’e.

Xuquje’ eri Taqawokajnel rech ri Ya’olchajinem pa Amaq’ sib’alaj xub’ij chi ke ri winaqilal rech kakikojo ri Chatbot on pa rajilab’al ri 1599 rech ri DT-PNC rech ya’ik ub’ixik loq wexa’ k’o ri k’ax kak’ulmataj pa nimab’e pa tinamit. Xuquje’ xub’an jun kasik’ixik rech ub’ixik chi ke ri winaqil we kitijom tzam makib’insaj ri kich’ich’, rumal we kakib’insaj, kakiya kib’ pa k’ax, xuquje’ kakiya pa k’ax ri winaqil che ri keb’inik kewa’kat pa taq nimab’e.

Rumal ri’ eri Viceministro rech Tecnología rech ri Tzijolil xuquje’ Tzijob’enem, William Cameros, ri are xub’ij che ri kojob’al kemechakub’al pa kaqiq’ ri’ man xaq ta ri’ kutoq’ij kitaqik ri e’ajchajin tinamit pa taq ri rajawaxik wi pa nimab’e, xane’ are rech kab’an uk’amansaxik chi ke ri winaqilal rech kakib’ij loq we k’o ri k’ax kakilo pa taq nimab’e ri’.

Pa le Centro rech Monitoreo rech ri DT-PNC chi la’ k’ut kak’ul apan pa awalik ri b’iw ub’ixik, we jeri’ kakaj ri winaqil.
Are chi’ xtaq ub’ixik ri alerta, eri wokajil ajchajin tinamit kakitoq’ij uchakuxik uwach ri q’atom ub’anik pa le Taqanem rech Tránsito xuquje’ ri retal ukojik.
Eri k’ulmatajem kaya loq ub’ixik wexa’ ke’ilik e k’o e’ajb’insal ch’ich’ e q’ab’arel kibinsam kich’ich’ pa taq nimab’e, wexa’ e k’o kititz’om b’i winaq pa kich’ich’, wexa’ e k’o kib’e taj kitaqim pa nimab’e, wexa’ e k’o pa awalik ketajin che etz’enem opanriqonem, wene’ man utz taj kakib’ano kakiya winaq pa k’axk’onem.

Noticias Recientes