Eri ajchomanelab’ rech ri taqawokajil, ri winaqilal tinamit, ri wokajil rajchoq’e chak meb’il xuquje’ ri e’ajeqa’lenel xkimol kib’ rech xkitzijob’ej ri’ rech pa utzilem b’a’ kakib’an ri chajinem kimik, rech kakeche’j ri utz q’ijol b’anik, rech pa jikomal kakiq’at le rilik kichak ri wokajil rajchoq’e’il chajinem tojom rech utz ub’anik ri chajinem ri’ xuquje’ rech kanimaxik jacha le jikom chajinem b’anom pa taq le nimatinamit apanoq. We cholchak ri’ are xutun ri komon chuq’ab’il rech uq’atik pa utzilem ri chajinem kab’an pa taq le kulewalil le nimatinamit.
Le viceministra rech Prevención rech ri Violencia e ruk’ ri Delito, Mayda De León, ri xuk’am ub’e le nimriqonem ub’i’ Conferencia Regional rech Seguridad Privada, k’ate xuya ub’ixik che ri nimriqonem chomanik xuya uchuq’ab’ ri chajinem chi rij ri k’aqb’al q’aq’ pa taq le nimatinamit ri’. Le De León xuquje’ xub’ij chi k’o nim komon chomanik tajin chi rij le kojik rech le Hoja rech Ruta rech Centroamérica xuquje’ República Dominicana ri’ rech uq’atexik ri uq’axik uk’ayixik taq k’aqb’al q’aq’, poq’sab’al q’aq’ ri’.
Eri taqanel rech ri Sección rech Seguridad xuquje’ Justicia rech ri Departamento rech Seguridad Pública rech ri Organización rech Estados Americanos (OEA), Cristian Taboada, sib’alaj xuya ub’ixik che ri nimtzijolinem chomanik ri’ xuya pa retalil rech katzijob’exik ub’anikil le Hoja de Ruta ri’ kuk’ taq ri wokajil winaqilal, rech ya’ik reta’maxik ub’ixik xuquje’ rech b’a’ qas kachomaxik ri rajawaxik pa jujun taq nimatiamit. “kinmaltyoxij chi kech le winaqilal keriqitaj chi’ kimik pa le chomanik rech le Hoja de Ruta ri’, xuquje’ rech ya’ik uchuq’ab’ ri uq’atik uwach taq”.
Pa keb’ chik katajin ri b’anoj uchomaxik uch’ob’ik uwach taq ri chomanem chi rij le b’anoj ya’olchajinem ri’, chi rij uq’atexik taq k’aqb’al poq’sal q’aq’, uq’atexik winaq kakib’an ri k’ax, xuquje’ rech kachomaxik kaq’at uwach kichak ri wokaj rajchoq’e ri ya’olchajinem tojom, jeri’ le ukojik le k’ak’ taq kemechakub’alil rech ri tzijolil, tzijob’enem xuquje’ ri rech b’anom uk’u’xjastaq pa kulewal le nimatinamit.
Pa nimatzijolinem chomanik, xb’an ruk’ utob’anik ri agencias internacionales, are xub’an jun nim upatan rech xechomanik ri e’ajchomanelab’ rech taq le nimatinamit ri xkitzijob’ej xuquje’ xkitunu kib’ chi rij upatanexik le Hoja de Ruta ri’, jeri’ rech ya’ik uchuq’ab’ ri komonchak ri’, ri q’atom uwach, ri solim uwach le upatan taq ri wokajil k’o rajchoq’e pa kulewal le nimatinamit.