Eri Q’atb’al Tzij rech ri Ministerio rech Gobernación (Mingob) pawe q’ij kamik xek’oji pa jun chomanem kuk’ ri Taqanelab’ rech ri Wokajil Ajchajil Tinamit rech taq distrito, rech taq comisarías xuquje’ rech taq ri unidades especializadas rech ri Wokajil Ajchajil tinamit (PNC) rech pa komon xkichomaj kakib’an ri q’atenik ri q’alanem nab’ejsab’al uq’atexik ri k’ax ri’ rech pa kub’al k’u’x ke’opan ri winaqil pa le cha’onik k’ak’ q’atb’al Tzij ri’ xuquje’ rech uq’atexik ri ch’ojinik kumal ri winaqilal pa le ukab’ b’anoj cha’onem pa amaq’il tinamit ri’, che ri kab’an pa le 20 rech agosto rech ri junab’ ri’.

Eri Q’atb’al Tzij rech ri Ya’olchajinem pa Amaq’ xub’ij che ketaq ri’ 42 mil chi reqa’lenelab’ ajchajin tinamit ri’ pa we rulewal tinamit, rech pa joremal jikomal ke’opan pa le cha’onem pa tinamit ri winaqilal pa kub’al k’u’x ri’. “Xuquje’ eri Unidad Aérea rech ri Ministerio rech Gobernación (Unagob) sib’alaj kakib’an ri puqchajinem pa kawokajil ri e ajchajil tinamit ri’ rech kakinimaj unimaxik kachajixik ri winaqilal ruk’ ri ya’talil chi ke ri’”, xcha’.

Eri Primer Viceministro rech Seguridad xub’ij rech b’a’ kakub’isax uwach kachajixik ri winaqil e ajcha’el ri’ rajwaxik b’a’ kanab’ejsaxik uq’atexik ri b’anoj k’ax ch’ojinik are maja’ na, pa le uq’ijol ri’ xuquje’ are ok’owinaq chik ri ya’olchajinem pa taq tinamit pa amaq’il ri’ pa le ukab’ b’anoj cha’onem pa tinamit ri’ rech maj jun b’anoj k’ax tane’ ch’ojinik ri’.

Rumal ri’ Eri K’amal B’e rech ri PNC xub’ij che ri are la’ uwach ri’ le Plan rech Seguridad 32-2023 ri’ rumal k’u ri’ sib’alaj e k’i ri e ajchajil tinamit ke’opan pa chajinem pa le 3 mil 825 chi uk’olib’alil cha’onem pa ronojel taq tinamit, rech ub’anik jun utzilaj xuquje’ kub’al k’u’x chajinem chi ke ri winaqilal e aj iximulew ri’ pa le 20 rech agosto are chi’ ke’opan pa le nimcha’onem ri’.

Ri b’anoj puqchajinem

Pa le uq’ij cha’onem ri’ eri e ajchajil tinamit kek’oji pa uk’olib’alil chajinem tzukunik ri’ pa tinamit, rech kakilo we pa uchola’lejil kab’an wari’ rech uq’atexik ri b’anoj taq k’ax ch’ojinik ri’.

Xuquje’ eri e ajchajil tinamit kakib’an ri puqchajinem che kaqan pa tinamit, jeri’ chi rij kejach’ich’ xuquje’ pa taq tinamit naj ri k’ax b’e ke’opan wiri’ rech pa unab’ejsaxik uq’atexik ri b’anoj k’ax ri’ xuquje’ rech pa le unnimaxik ri Ley Seca ri are kamajtaj unimaxik ub’anik pa le waqib’ kajb’al rech nimaq’ab’ k’a pa le b’elejeb’ kajb’al rech ri 21 rech agosto ri’.

Eri q’atb’al Tzij xkiya ub’ixik chi ke ri winaq wexa’ k’o ri k’ax kakilo kab’an chi ke, kakilo kab’an ri’ chakib’ij loq pa le 110 rech ri PNC xuquje’ pa le 1561 rech Crime Stoppers, rech chi la’ k’ut kakiya wi ub’ixik ri winaqilal ri’ chi rij ri taq ri k’ax kakilo kab’anik pa taq le k’olib’alil cha’onem ri’.