Sib’alaj katajin na katz’ib’axik kib’i’ kitzijol ri winaq e tz’apilil pa le resaxik ri Kiwujilal rech Kitzijol ub’i’ (DPI) pa le Granja Modelo rech Rehabilitación Pavón, rech ta chik kakita resaxik ri wujilal ri’, pa le kasuk’umaxik xuquje’ rech ya’ik uchuq’ab’ ri ya’talil chi ke ri winaq e tz’a´pilik.
Eri uq’ijol ri’ are xmajtaj ub’anik rumal ri Ukab’ K’amow Ub’e rech Kasuk’umaxik ri Winaqil rech ri K’amow B’e rech ri Taqawokajil Japache’ Tz’apib’al (DGSP), pa kemonchak ruk’ ri Registro Nacional rech ri Personas (RENAP). Chi’ k’u ri’ eri winaqil xya’taj chi ke rech xkib’an usk’umaxik ri kitzijol, pa le katz’ib’axik kib’ pa le nab’e uwach wujilal rech kakik’ex ri DPI.
Eri reqaxik ri k’ak’ wujilal ri’ are la’ k’o jun nim upatanib’al rech kakitz’ib’aj kib’ pa taq tijob’al xuquje’ rech kichak ri’, jeri’ pa le resaxik taq ri kiwujilal ri’ xuquje’ rech kakikoj pa taq chak kakita ri’.
Pa le ilob’anem ri’, e k’o 68 chi winaqil e tz’apilik ri xb’antaj utzilem chi ke rech xakiya’o pa uq’ijol ri kitzijol pa le kiwujilal ri’. Eri jun q’axenem ri’ are kuya nim tob’anem rech kukub’isaj ub’anikil ri kich’o’jib’al ri’ xuquje’ rech k’ax ta uya’tajik chike rech kek’oji pa taq ri jalajoj b’anowem nimanik ri’.
Ruk’ ubantajik wari’, eri DGSP ri kuya’o uchuq’ab’ ri chak pa taqawokajil ri’ rech katoq’axik kab’an jun utzukuxik retal rech pa le kasuk’umaxik ri winaqil e tz’apilik pa rachoch ri japache’ tz’apib’al ri’ rech xkitijoj kib’ rech ke’ok pa k’ak’ taqanem pa le wokajil japache’ tz’apital ri’.