E keb’ e’ajpache’ e’itzelalaj winaq xib’ib’al ib’ le kilik ri xkesaj b’i kib’ pa Rachoh Japache’ Tz’apib’al Kech Achijab’ Fraijanes II xb’an kowinem xechap loq kumal ri jupuq ajtzukul kech kib’i’ Búsqueda rech Fujitivos rech ri División Nacional rech E’ajq’atenel taq Pandillas kib’i’ (DIPANDA) rech uq’ab’ ri Wokajil Ajchajin Tinamit ub’i’ (PNC) pa jun tzukunem xb’antajik pawe q’ij kimik pa Chinab’jul.
E’are k’ut a Melcin Gabriel de León, ukojomb’i’aj a “Liro Strong”, 32 ujunab’; xuquje’ a Marlon Manolo Martínez Sincuir, ukojomb’i’aj a “Monstruo” xuquje’ “Espectro”, 36 ujunab’ ri’. Eri nik’aj winaq ri’ e’are kab’ixik man kiwi’ taj kikojom ri’, ruk’ taq gorras xuquje’ ruk’ jastaq kikuchum ri achib’al kitz’ib’am chi kij ri’ ri xech’ob’otajik e uwinaqil ri jun Pandilla rech ri Barrio 18.
Pa taq le tzukunem ri’, eri wokajil ajchajin tinamit xkiriq kuk’ jun k’aqb’al q’aq’ ri’, keb’ tolws, 23 ub’aq’ k’aqb’al q’aq’ ri’, ruk’ jun peluca, xuquje’ ruk’ job’ chi ch’aweb’alil ri xpis b’i kumal ri q’atb’al tzij rech kakitzukuj juntir utzijol taq.
Antecedentes
Eri jun a Melcin de León, are uwinaq jun molaj b’anoj k’ax ub’i’ “Solo para Locos” rech ri Barrio 18, ri chapom kanoq pa 23 rech agosto rech 2019 ri’ rumal xub’an kamisanik xuquje’ rumal sib’alaj xe’uxib’ij ri winaqil ri rech xraj xe’ukanimsaj tane’. Xuquje’ k’o kaji9b’ umak ub’anom xq’alajin pa q’atb’al tzij ri’ rumal reqam ri k’aqb’al q’aq’, rumal xjo’sin chi ke ri winaq ri’ xuquje’ rumal reqam awan kunb’al ri’, pa taq ri junab’ 2012 xuquje’ 2013.
Eri De León xuquje’ xq’at lajuj junab’ chi rij rech katz’apixik pa le japache’ rumal xe’uxib’ij ri e’ajk’ayib’ pa Retalhuleu ri’. Eri tzukno’jchak are xq’alajisanik che sib’alaj xutoq’ij $25 mil dólares (Q193 mil qaraj chi pwaqil), resaj chi ke e’ajk’ayinelab’ rech Champerico pa ke’ukamisaj taj pa le tinamit ri’.
Emu wari’, eri Martínez Sincuir, are uwinaqil ri jun molaj b’anoj k’ax kib’i’ “Rueda rech ri Barrio 18”, k’o waqib’ umak ub’anom rumal ri kamisanik xub’ano, rumal ri xtukuj morixeem ch’ojinik pa japache’ tz’apib’al, rumal xub’an ri elaq’ xuquje’ ri k’ayin awan kunb’al, ri xub’an pa taq ri junab’ rech ri 2004 y 2009 ri’.
Eri keb’ pandilleros ri’ taqim jun kachapik rumal man kitojom ri q’atoj tojob’al pa q’atb’al tzij, rumal ri’ xtaq uchapik pa 14 rech octubre rumal ri jun q’atb’al tzij rech Iximulew.
Ri chajinem kumal ajchajin tinamit
Eri wokajil ajchajin tinamit xkib’an jun puqchajinem tzukunik rech xkiterne’j utzuxik ri kitzijol ri winaq xkib’ij k’ut che xe’opan e k’ilaj taq winaqib’ chi la’ k’ut, xuquje’ eri ketal kachib’al xilik xa’ junam kuk’ nik’aj pandilleros che ri xkesaj b’i kib’ pa jpache’ tz’apib’al pa Fraijanes II.
Eri jupuq e’ajchajin tinamit pa aninaqil xeb’e che kilik chi la’ k’ut, xkikoj k’ut ri ub’anikil katzukuxik, rumal ri’ xekwonon che kiriqik pa taq ri nimaja xeriq wiri’. Te k’u ri’, xkita chech ri q’atb’al tzij rech xtzukux upam ri jun nimaja. Are chi’ xtaq utzukuxik ri’ rumal rui’ xechap nik’aj e’itzelalaj pandilleros ri’.
Ri tojob’al rech kechapik
Eri q’atb’al tzij xkisik’ij ri winaqilal, ri rech ri tinamit rech Santa Rosa, Escuintla xuquje’ pa taq ri k’ulb’a’til ruk’ México ri’, rech b’a’ kakika’yej ri kilik xuquje’ rech kakib’ij loq wexa’ e k’o ke’ilotajik rech kakicb’ij loq pa le 110 rech ri PNC, Rumal k’ut eri nik’aj winaq rui’ xa’ kiwajom kib’ chech ri q’atb’al tzij kewa’katik.
Eri Taqawokajnem rech Gobernación k’o Q3 millones chi pwaqil ruk’ rech katojik jachin kakib’ij loq kitzijol ri’, rech keriiqitaj loq nik’aj pandilleros rech ri Barrio 18 ri xkesaj b’i kib’ pa japache’ tz’apib’al rech Fraijanes II. Chi jujunal ri’ are katojik Q150 mil chi pwaqil ri’, chi ke ri jachin kuya loq kitzijol rech kechapik.
K’a pawe q’ij kimik, e chapom chik e oxib’ ri’, are karaj na e 17 chi pandilleros rech kechap na.