Pa jun b’anowem xb’a pa le rachoch ri Ministerio rech Gobernación, xb’an jun nim kilik kasolixik ri reqa’lenelab’ ri Comisaría 41 rech Xe’laju’, ri k’o jun utzilaj unimaxik b’anoj kichak ri’ xuquje’ rech pa q’atenik taq k’ax.
Pa le riqon ib’ xk’oji ri K’amal B’e rech ri Wokajil Ajchajin Tinamit (PNC), David Custodio Boteo, ri sib’ajaj xuya ub’ixik ri eqale’mchak, ruk’ ronojel kichuq’ab’ kino’jchakunik keta’mab’alil ri e’ajchajin tinamit. “Kaqaya uq’ij ri utz kipatan ri’ man xaq ta rech kuya uchuq’ab’ ri wokajil, xane’ are rech ub’anik utz uwokik kiwach ri winaqilal rech kek’oji pa joremal: rech sib’alaj utz ri kichak, ri kino’jchakunik pa amaq’el, ri qastzij ronojel kanima’ kakib’an kachajixik ri winaqil pa tinamit”, xcha’.
Xuquje’ chi’ xek’oji ri Viceministra Antinarcóticos xuquje’ rech Seguridad Fronteriza, Claudia Palencia; ri xuya’ uq’ij “ri nimachak kakib’ano rech kakib’an ri chajinem pa rulewal nimatinamit”. Eri Viceministro rech Seguridad, José Portillo; ri xuki’kotirsaj uq’ij uwach kichak ri reqa’lenelab’ ri comisaría 41 “rumal ronojel kanima’ tajin kakib’an ri kichak, ri q’alaj k’ut utz ri chajinem kib’anom pa Iximulew”. Xuquje’ eri Ministro rech Gobernación, Francisco Jiménez, pa le xub’ij k’t, xuki’kotirsaj kiwach konojel ri e’ajchajin tinamit rumal sib’alaj utz ri kichak ri’: “Ix ri’ ix utzilaj rachib’al ri qatawokajilal. Eri kichak ronojel q’ij, k’o chech man k’ot ri ub’ixik man kaq’alajin taj, are k’o upatanib’al rech k’o ri joremal, ri ucholalejil xuquje’ rech k’o ri chajinem pa le kik’olib’alil qawinaqilal”.
Eri q’atb’al tzij xek’oji pa le b’anowem ri’ e’are xkijach ri wujilal rech yab’al uq’ij kichak ri eqa’lenelab’ xuquje’ xya’taj pa kiq’ab’ rumal le alaj ali Jefe rech Distrito Comisario General, Gemaly Haidé Carrillo Culajay; xuquje’ rumal le alaj ala Jefe rech Comisaría 41, Comisario, Joctan Luis Santiago Montepeque Marroquín ri’.
Le ya’talil pa kiq’ab’ ri reqa’lenelab’ chajin tinamit rech ri Comisaría41 rech Xe’laju’, are uwach taq ri b’anowem rech kuya loq’aq’enik chech ri uchak kub’an ri wokajilal ri’ rech kiwa’lisax uwach ri b’anoj utzilaj puqchajienm ruk’ ri k’amoj ib’ chi kiwach ri komon winaqilal kuk’ ri PNC.