Eri reqa’lenel ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) xkiriq 2 mil 212 chi pajb’al cocaína ri’ pa Santo Tomás de Castilla, Puerto Barrios, Izabal. Eri tzukunem pa komonchak xb’an kuk’ rajchajinelab’ rech ri Marina rech ri Defensa Nacional xuquje’ kuk’ ri rajchak ri Superintendencia rech Administración Tributaria (SAT) ri’.
Eri Ministro rech Gobernación, Francisco Jiménez sib’alaj xuya utzijol ri jun nim q’atenik ri’ xuquje’ xub’ij ruk’ ri awan kunab’al xriqitajik jun nim uq’atexik ri narcotráfico pa rulewal qatinamit. Xuquje’ xkib’ij eri rajil ri xriritajik Q227 millones chi pwaqil ri’.
Ri awan kunab’al xriqitaj pa jun tzukunem pa jun kaxonach’ich’ upyikik loq Colombia ri xok loq pa Iximulew. Pa komon ruk’ rajq’atanel ri Ministerio Público (MP) xkib’an retaxik le rilik uq’alajisaxik uwach ri 190 pa koxtar ri xkib’ij ri k’o chi upam are tzuqub’al wakax awajib’ man tzij taj kiwa’ e wakax, are cocaína ri’.
Eri wokajil ajchajil tinamit kuk’ ri e ajchajil amaq’il pa xik’ach’ich’ xkik’am b’i pa le Fuerza Aérea Guatemalteca (FGA) ri’. Te k’u ri’ xkik’am b’i pa k’olib’al jastaq rech ri SGAIA rech ri PNC, k’o pa le zona 6 uk’u’x nimatinamit, rech kab’an utzukuxik utzijol pa juntir rech te k’u ri’ kaporoxik.