Eri UWAQ Nimritaqanib’al pa Komon Nimatinamit rech ri Operador Económico Autorizado (OEA)-GT 2024, ri xub’an pa ub’i’ le chomanem tzij Ukojik jun Comercio Seguro xuquje’ Ajeqa’lenem Tz’ij: Le Kuk’aslemal chuwe’q kab’ij le OEA”, xe’umol kamik el ajpatanel rech Amaq’ kuk’ rajchomanelan’ ri Wokajil K’o Ajchoq’e’il pawe tinamit. Eri jun nimriqonem ri’ are xtob’anik pa le uk’exik uwach ri tzijolil xuquje’ rech k’ax taj uk’aslemaxik ri loq’aq’enik, jeri’ jacha le yab’al uchuq’ab’ ri chajinem q’atenik ri’ pa taq ri aduanas rech pa rulewal ri tinamit.

Pa le uwach ri nimriqon taqanib’alil ri’ xb’an wi ri nimatzijob’enik ub’i’ “Le chak reqele’manik le Estado rech Iximulew ri’ rech ri Nim Uchak ri qatinamit”. Ri Viceministro rech Gobernación, Werner Ovalle, pa le tzij xub’ij, che ri komon chakunem pa taqawokajilal are nim upatan rech pa le b’anoj jun ub’e’al juntir ri chakunem  rech sib’alaj katob’anik man xaq ta rech k’ax ta ri loq’an jastaqil chakub’al, xane’ are rech kab’an utzil chi rech ri uchakunik ri Iximulew ri’ pa komon chakunem taqawokajil, pa le uk’amik loq, pa le utaqik ri’ le jastaqil chakum ri’.

Pa k’isb’al ri’ xjuch’ uwach ri Wujilal rech Protocolo Interinstitucional OEA kumal le taqawokajilal rech Gobernación (MINGOB), rech Tiko’ninem Jastaq Tijow, Wakax Awajib’ xuquje’ Rikil Tzuqub’al (MAGA) xuquje’ ri Superintendencia rech  Administración Tributaria (SAT), ruk’ ri Viceministro Ovalle, ri Viceministra rech Sanidad Agropecuaria xuquje’  Regulaciones, Marissa Montepeque, xuquje’ ri Intendente rech Aduanas, Edwin Curtidor ri’.

Eri b’anoj ri’ are kub’an rech k’ax ta chik kaq’ax ri jastaq kak’ayixik rech taq ri empresas OEA Kojom xuquje’ rech ya’ik uchuq’ab’ ri b’anoj komonchak b’anom kumal ri wokajilal rech ri Amaq’ pa le Programa Operador Económico Autorizado pa taq ri nab’e ub’anob’alil xuquje’ rech operación aduanera pa Iximulew.

Eri Viceministro Ovalle xub’ij che pa le juch’un wujilal rech b’anoj chomanem ri’ are kuq’alajisaj ri chak tajin ub’anik rumal ri Ministro rech Gobernación, Francisco Jiménez, kuk’ ri viceministros xuquje’ kuk’ ri rajtaqonel ri Wokajil Ajchajil Tinamit (PNC) Rech ya’el uchuq’ab’ ri b’anoj chajinem ri’ rech pa kub’sib’al k’u’x ub’anik ri jun loq’an jastaq kab’an loq k’a pa nik’aj chik nimatinamit keriqitaj pa uwachulew ri’.