Sib’alaj e ri winaqilal xkimol kib’ pawe q’ij rech xkika’yej ri cholb’inem nimaq’ij kumal ri Wokajil Ajchajin Tinamit pa le nimaq’ij rech ri 154 uq’ij xalax ri Nima Ch’ojib’alil xb’an pa Nimatinamit pa 30 rech junio rech 1871 xuquje’ are uq’ij ri Wokajil Ajchajin Amaq’ Iximulew. Eri wokajil ajchajinelab’ ri’ kuk’ ri ajchajin tinamit, ri wokajilal pa konojel ri’ xecholb’inik rech xkiya xkina’tij uq’ij wari’.
Eri K’amal B’e Amaq’, Bernardo Arévalo ruk’ ri Vicepresidenta Karin Herrera, xkik’am ub’e ri nimacholbinem ri’. Pa le xub’ij wi: “eri qawokajil ajchajin amaq’il are ri’ jun nim wokajil saq uchak kub’an ri’, ri ya’om uq’ij pa qatinamit jeri’ pa nik’aj chik nimatinamit. Sib’alaj xub’ij, chewe wokajil ri’ man are taj kub’an ri itzelal pa taqawokajilal ri’, man rech ta chik kakinimaj kitzij ri winaq ri’. Eri wokajil ajchajinelab’ ri’ k’o ri’ pa kachajixik ri winaqil tinamit xuquje’ rech Amaq’ Iximulew”.
Xuquje’ xopan ri’ ri Ministro rech Gobernación, Francisco Jiménez, kuk’ ri nik’aj chik rajpatanel ri Amaq’, ri xkiya ri utzil kiwach ri wokaj kechajin pa tinamit, pa kaqiq’ pa le kaj, pa uwi palow ri’, ri xeq’axik chi uwach ri Ministerio rech ri Defensa Nacional (MDN). Eri cholb’inem xmajtaj ub’anik chi uwach ri monumento rech Juan Pablo II, pa le Avenida Las Américas, xq’ax pa le Avenida La Reforma ri xk’is ub’anik pa le nim rachoch ri MDN.
Pa le xq’ax wi, chi la’ xe’ilotaj wi pa kawokajil ruk’ ronojel kachuq’ab’ xeq’an ri e Policías Alumnos xuquje’ kuk’ jun puq e’ajchajin tinamit rech ri (PNC), jeri’ kuk’ reqa’lenelab’ taq wokajil, ri bandas escolares. Xuquje’ xkib’an uk’utik pa kaqiq’ cha le kaj kumal ri Fuerza Aérea Guatemalteca (FAG) xuquje’ kumal ri Unidad Aérea rech ri Ministerio rech Gobernación (UNAGOB).