K’o jun puqtzukunem xb’an pa le rachoch tz’apib’al ub’i’ Centro rech Detención rech Máxima Seguridad kech Achijab’ Renovación I, pa Escuintla ri’. Pa jujun taq sector ri’ xb’an wi utzukuxik upam kumal taq ri wokajil ajchajin tinamit rech ri Amaq’ rech xkitzukuj k’aqb’al q’aq’, awan jastaq rech q’ab’arisab’al, awan kunb’al, ch’aweb’alil rech eqam, ruk’ nik’aj chik awan jastaq ri’.
Xuquje’ rech ya’ik uchuq’ab’ taq ri b’anow chajinem, jeri’ rech uq’atexik taq ri molaj b’anow k’ax k’a pa taq tz’apib’al ja ri’ pa rulewal amaq’ tinamit. Pa nab’ejsab’al ub’ixik, xya utzijol che xriqitaj loq k’aqb’al q’aq’, nojisab’al uq’ab’ k’aqb’al q’aq’ ri’, ruk’ taq yab’el uq’aq’ taq ri ch’aweb’al, xuquje’ ruk’ taq k’olib’al rech xekem, ruk’ nik’aj chik maj jastaq ri’.
Eri tzukunem katajin na kumal ri e’ajchajinelab’ rech ri Wokajil Tz’apib’al Ja (SP), pa kemonchak kuk’ ri reqa’lenel ri Wokajil Ajchajin Tinamit (PNC), xuquje’ kuk’ ri e’ajlab’al amaq’ tinamit rech Iximulew. Kuk’ ri katob’anik ri puq Binomios K-9, ri are kuwach ri e’ajk’amal b’e xuquje’ ri tz’i’ e’ajtzukunelab’.
Sib’alaj kaya ub’ixik che katajin uterne’xik ri chak rech suk’umalib’alil xuquje’ rech k’ak’ uyakik ri tz’apib’al ja Renovación I, rech xsukumax uwach taq ri xb’an k’ax chi re taq kumal ri winaq e tz’apilik k’a pa enero kanoq. Are chi’ xk’is ub’anik ri tzukunem, kaya uchuq’ab’ ri’ ri b’anow kachajixik ri winaqilal e tz’apilik xuquje’ rech pa amaq’el kab’an ri chajinem pa le tz’apib’al ja ri’.
Pa le 13 rech marzo kanoq xuquje’ xb’an usolixik taq ri tz’apib’al ja pa le Centro rech Rehabilitación de Puerto Barrios, Izabal, chi la’ k’ut xriqitaj wi loq 69 chi ch’aweb’alib’alil, 166 chi tarjetas SIM, 7 chi routers, 126 chi pisob’al ruk’ marihuana ri’, 92 chi pisow ruk’ cocaína ri’ xuquje’ ruk’ taq awan jastaq man ya’tal ta chi la’ k’ut.
Xuquje’ k’o 1,937 rajilab’al pimawuj rech sik’, 100 chi jastaq puch’b’al ri’, 40 chi poq’sab’al pa kaqiq’ ri kakoj pa taq nimaq’ij, k’i taq b’olob’ik k’olib’alil ri’ xuquje’ k’ilaj taq lame’t ruk’ awan tzam. Ruk’ wari’, xesax ri ch’uch’ulem toq’ob’ chi ke ri winaq e tz’apilik, xuquje’ xya uchuq’ab’ ri b’anow chajinem pa tz’apib’al ja.