Eri reqa’lenelab’ chajinem pa tinamit xkib’an jun usolixik pa le nimaja rech kuchakuj uq’atexik taq ri awan kunb’al rumal ri Ministerio rech Gobernación (Mingob) ri riqom kumal ri wokajil ajchajin tinamit kuk’ taq ri narcotráfico ri’. Pa le xb’an wi le rilik ri uchakunib’alil ri ch’ich’ chakub’al ri’ xuquje’ ri kupatanij pa le b’anoj ri chajinem ri’ rech kakub’isax ri upatanil pa le uchakuxik taq uwach ri uk’u’x awan kunb’al ri’.
Eri viceministro rech Antinarcóticos, Víctor Cruz, xuk’am ub’e rachb’ilaxik ri ajtaqanel rech ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC), Wuilber Arreaga ri’, kuk’ rajchak ri Unidad Espacial Antinarcóticos rech ri Ministerio de Gobernación (UNESA) xuquje’ kuk’ ri expertos rech ri programa regional rech Manejo Seguro xuquje’ ri Eliminación rech Drogas Incautadas xuquje’ Precursores (STAND, ub’i’ pa inglés tzij ri’) rech ri Oficina rech ri Naciones Unidas rech Q’ateb’al taq Droga ruk’ ri Delito (UNODC) ri’.
Eri solinem ri’ are xuya pa retalil ri’ rech xetab’ax uwach ri b’anoj uchakuxik ri uk’u’x awan kunb’al riqom pa taq puqtzukunem kuk’ ri narcotráfico ri’, rech taqim uporoxik uwach taq ri awan kunb’al rech pa kub’al k’u’x kanimaxik ri taqom ub’anik pa uporoxik ri’.
Eri solin uwach ri’ are la’ ri chajinem uq’atexik xb’an kumal ri wokajilal ri’ rech ya’ik uchuq’ab’ ri b’anoj uchajixik uq’atexik ri’, rech pa k’isb’al rech kaq’atataj uwach ri awan kunb’al ri’, rech ruk’ wa’ kab’an jun nim uq’atexik taq ri narcotráfico ri’.