Pa le nimaja ub’i’ salón Mayor rech ri Ministerio rech Gobernación (MINGOB) xb’a wi jun riqob’al ib’ rech choman b’anoj chak, chi rij usolixik ri wujilal rech nuk’chomab’al rech utoq’axik pa aninaqil ya’talil ri wujilal pa uwachwuj pa kaqiq’ ri’. Eri riqon ib’ chomanem ri’ are la’ xk’am ub’e ub’anik ri chomanem rumal rajchomanelab’ ri Viceministerio rech Tecnología rech ri Información xuquje’ ri Comunicaciones ri’, che ri xchomataj wi ri rajil tojonik pa aninaqil ri’ xuquje’ rech are kachakuxik pa le b’anoj chakuja jacha ri kub’ij ri Taqanem, rech kajunumisax uwach kuk’ ri uq’ab’il taq ri wokajilal ri’.
Pa le riqon ib’ ri’ xb’an utzijoxik ri chak kab’an ri’, jeri’ xka’mulixik ya’ik ub’ixik ri’ rech rajawaxik kachomaxik ri ya’talil wujilal ri k’o pa ucholalejil, xb’an le rilik ub’anikil ri chob’on chak ri’ ruk’ taq ri ub’anikil xuquje’ rech kab’an usolwachixik ri’ ruk’ taq una’ojil chi rij ri’.
Xuquje’ xjunamisaxik jas ri wujilal rajawaxik kajachik xuquje’ rech utaktakxik ri’ rech kanajtib’ taj ri uq’ij uya’tajik ri’ rech xaq kusach chik upwaqil ri winaqilal ri’.
Pa le ilob’anem ri’ xek’oji rajchomanelab’ taq ri Wokajilal rech ri Amaq Tinamit ri e k’o pa le comisión jacha tane’ ri Procuraduría General rech ri Nación (PGN), ri Comisión Presidencial rech Gobierno abierto xuquje’ electrónico, ri Diario rech Centro América xuquje’ ri Wokajil Ajchajin Tinamit kib’i’ (PNC) ri’.