Eri Nimataqawokajil rech Amaq’ xutaq ub’anik utz uk’ob’ik ri decreto 1-2026 pa le xtaqon wi ub’anik ri Korlim B’anoj Chajinem pa ronojel rulewal amaq’ tinamit, rech kapatanexik pa jun ik’ uwach ri’. Eri jun ub’anikil taqanem ri’ are karaj kub’an ri utz chajinem rech kukowij uchuq’ab’ ri chajinik ri’ pa rachoch taq ri japache’ tz’apib’al xuquje’ rech kanimax uwach ri ya’tal chi ke ri winaqilal ri’.
Eri xk’ex chi re ri’ are sib’alaj kub’ij che man tz’apil ta kib’e kiwakatik ri winaqil rech keb’e pa taq ri kichak, pa taq ri kemontyox kojonem pa le juntir le q’ij kanajtib’ le K’orlim B’anoj Chajinem. Xuquje’ kub’ij che man ya’tal taj kakimol kib’ winaqib’ pa tinamit ri’, xaq xu’ wiri’ ya’tal kakimol kib’ ri ajchomanelab’ rech ri ukab’ uwach cha’onem pa tinamit.
Eri xk’extaj uwach ri’ xuquje’ kub’ij che man k’ot solinem ch’ab’enik kumal ri e’achalalil chi ke ri kachalal e tz’apilik pa japache’ xuquje’ ri kixoqil kachajil ri uwinaqil ri pandillas rech ri Barrio 18 xuquje’ ri Mara Salvatrucha ri’, rech kaban kowilaj chajinem pa rachoch taq japache’ tz’apib’al. Xuquje’ pa le B’anoj korlim Chajinem ri’, man rech taj kenaqijixik ri e’ajb’anol kajmanem xuquje’ ri e’ajb’il taq chomab’al pa tinamit ri’, eri taqim ub’anik ri’ are rech kaya pa ucholalejil ri jikom taqanem winaqilal pa tinamit xuquje’ ri suk’ilal b’anoj taqanem ri’.
Pa le xk’extaj ri’ are sib’alaj kub’ij che man q’atataj uwach ri ub’anikil ri ya’talil chi ke ri winaqilal ri’ xuquje’ ruk’ taq ri chomanem b’anom pa taq nimatinamit pa uwachulew, rech kakub’isax ri b’anoj taqanem pa sik’ilal saqilal ri taqoninem ri’.
Ruk’ ri xk’extaj ri’, eri Nimawokajil Taqonib’al rech ri Amaq’ Iximulew ri’, rech k’o jun kub’an utaqexik pa le B’anoj Korlim Ya’olchajinem ri’, rech kukub’isaj unimaxik uwach ri ya’talil rajawaxik xuquje’ rech kuya uchuq’ab’ ri chajinem pa rachoch taq ri japache’, pa le ub’anikil ri chajinem taqom ub’anik rumal ri Wokom K’amal B’e Amaq’.