Eri División Especializada rech Investigación Criminal (DEIC) ri’ uq’ab’il ri Wokajil Ajchajin Tinamit (PNC) ri’ pawe q’ij kimik xkib’an juk’al lajuj (30) chi b’anoj tzukunem ri q’atb’al tzij pa uq’ab’ taq ri tinamit rech Tiquisate, La Democracia xuquje’ rech pa San José ri’, pa rulewal ri tinamit rech Escuintla’ ri’, are uwach ri tzukunem “Operación Centinela” katajin ri’. Jacha ri xkib’ij ri PNC, eri tzukunem tajin kumal q’atb’al tzij ri’ are la’ tajin ub’anik rech tajin uterne’xik ri tzukunem chi taq ri k’ax kamisanik chi ke ri taq ri winaqilal ri’.
Pa taq ri tzukunem ri’, pa junamamil xya ub’ixik loq chi k’o awan kunb’al xuquje’ k’aqb’al q’aq’ xriqitaj ri’, are la’ xiqitaj loq rech kuya uchuq’ab’ ri tzukunik katajin ri’. Eri DEIC katajin chech ub’anik ri tzukunik ri’, rumal ri’ eri uriqom chik pa ronojel ri’ are la’ kaya utzijoxik pa uk’isb’al rech ri tzuunem katajin chi la’ k’ut.
Le Operación Centinela are xmajtaj ub’anik loq pa martes 6 rech enero, are uwach ri cholchajinem tzukunik katajin ri’ rumal le Ministerio rech Gobernación, ri k’amom ub’e rumal ri taqawokajnel nimatat Marco Antonio Villeda ri’. Pawe q’ij kimik xb’an jun tzukunem pa le rachoch japache’ tz’apib’al winaq Renovación I, chi la’ k’ut xb’an wi le rilik ri puqtzukunem chajinik kumal ri e’ajchajin tinamit. Xuquje’ chi la’ k’ut xpuqisax wi ri rachoch taq k’olib’al k’ayin wa/rikil xuquje’ ja’ qumub’al, ri are k’ut keriqitaj pa okib’an ri rachoch japache’ ri’. Eri nik’aj achochib’al ri’ man ya’tal taj rech xyak chi la’ k’ut.