Pa 16 rech octubre eri reqa’lenelab’ ri Wokajil Ajchajil Tinamit (PNC) xkichap jun elaq’om pa Prados rech Villa Hermosa, San Miguel Petapa, Iximulew.
Are chi’ k’o jun winaq xuya loq ub’ixik, eri reqa’lenelab’ ri Comisarías 15 xkichap jun achi ub’i’ Edwin Coxic Chivalan, 29 ujunab’, are kab’ixik xuch’ay jun winaq ri xreleq’aj Q1 mil 225 ruk’ jun ixoq, are chi’ k’o pa le k’ayib’al chi la’.
Eri jun winaq ri’ kab’ixik are chi’ xurilo xe’opan ajchajinel che rilik xraj xkanimajik; pa aninaqil xkoqataj rumal ri’ xb’antaj kowonem xchapatajik. Eri jun winaq ri’ xriqitaj chomapwaq ruk’.
Pa jun chik ri’
Eri reqa’lenelab’ ri División Especializada rech Investigación Criminal (DEIC) rech ri PNC xkichap jun ixoq ub’i’ al Olga Ileana Román Wyss de Dacaret, 65 ujunab’, pa jun nimwokja ub’i’ edificio El Triángulo rech ri zona 4 uk’u’x nimatinamit, ri taqom uchapik rumal k’o nim elaq’ ruk’ wujilal releq’am ri’.
Eri nik’aj winaq ri’ xek’am b’i pa q’atb’al tzij ri’.