Pa uterenb’exik kiyutik b’i ri keb’ winaq pa le 12 rech noviembre ri’, pa jun k’olib’al rech Chuwi’meq’ina’ xuquje’ pa b’anon tzukunem chi kij, rumal ri’ eri tzukunelab’ rech ri Comando Antisecuestros rech ri Wokajil Ajchajil Tinamit (PNC), pawe q’ij ri’ xkiriq loq ri keb’ winaq ri’ xkesaj loq pa kaq’ab’ nik’aj b’anol k’ax.
Eri kachalal ri’ e are k’ut xkitzuj chi ke ri e ajchajil tinamit chi e k’o nik’aj b’anol xkik’am b’i xuquje’ kakitoq’ij Q150 mil chi pwaqil chi kij rech kakitzoqopij loq are chi’ xetzukuxik xeriqitaj loq pa le aldea Canasta Seca, Santa María Chiquimula, rech Chuwi’meq’ina’.
Eri q’atb’al tzij xkitzuj che chanim xb’antaj kowonem xeriq loq xuquje’ sib’alaj xmajtaj kato’ik rumal k’ut k’o ri jun chi ke tech’em upalaj ri’, rumal ri’ xek’am b’i pa kunanib’al ja.