Sib’alaj e chajim ri e 225 chi uwinaqil ri Pandilla rech ri Barrio 18, ri ketajin che tojow kimak kib’an pa le Nimaja Rachoch Tz’apib’al kech ub’i’ Centro rech Alta Seguridad Canadá, xuquje’ ri ub’ixik kab’ixik “El Infiernito”, k’o Escuintla ri’. E are k’ut pa nimaq’ab’ rech pa domingo, xek’am b’i pa le Japache’ Centros rech Detención rech Alta Seguridad Fraijanes II, xuquje’ pa e k’o xek’am b’i pa le Rachoch Japache’ Tz’apib’al Achijab’, zona 18 pa uk’u’x nimatinamit.
Eri kiq’axexik ri’ are xtaq ub’anik rumal ri Q’attanel rech Iximulew pa uchakunik ri Ministerio rech Gobernación (Mingob) rech uq’atexik ri tukun ch’ojinem pa rachoch ri japache’ tz’apib’al “El Infiernito” ri’, ri xya pa kaq’ab’ ri e ajb’anol k’ax ri’ kumal rajtaqanelab’ qatinamit nab’e kanoq, Chi la’ k’ut kamajtaj wi usuk’umaxik xuquje’ ri kayak wi jun japache’ tz’apib’al ub’i’ Centro rech Máxima Seguridad, ruk’ ri utzalaj taq tob’chakub’al rech ya’olchajinem ri’.
Eri Ministro rech Gobernación, Francisco Jiménez sib’alaj xub’ij che k’ate nab’e wa’ kab’an wari’, k’a pa lajuj junab’ chik wa’, rumal Q’at Taqawokaj Amaq’ Iximulew pa uq’ab’ ri k’o wi ri japache’ tz’apib’al ub’i’ “El Infiernito”. Xuquje’ xub’ij che ri puq chakub’al che ri kakojik are ri’ ri qas rajwaxik kumaj pa le chajinem ri’, kak’ex ri’ juntir uwach rech kajalitaj uwach ri chajinem pa jun japache’ tz’apib’al rech Máxima Seguridad ri’.
Xuquje’ eri Taqawokajnel rech Ya’olchajinem pa Amaq’ sib’alaj xuya utzijol che we rachoch japache’ tz’apib’al ri’ are rech kak’extaj ri rilik xuquje’ rech kub’an jun japache’ tz’apib’a ri sib’alaj chajitalik, chi’ k’ut keq’axix wi loq ri e ajpache’, rech utz, jamalik kek’oji wiri’, rech utojik kimak chi la’, man rech taj ke’uxlantane’ chi upam ri’.
Eri puqtzukunem q’atenik ri’ are sib’alaj xb’an kumal e 400 chi reqa’lenel chajinem rech taq eri rajwaxik chakuja ri’ rech ri Wokajil Ajchajil Tinamit (PNC), ruk’ reqa’lenel ri División Nacional rech Q’ateb’al taq ri Pandillas (Dipanda) ri’, kuk’ ri División Especializada rech Investigación Criminal (DEIC) ri’, kuk’ ri Fuerzas Especiales rech e Ajchajin Tinamit (FEP) ri’, xuquje’ kuk’ ri reqa’lenel ri Grupo Élite rech ri Sistema Penitenciario xuquje’ Binomios K-9, are kuwach jun K’amal B’e xuquje’ jun Tz’i’ Eqa’lenel ri’.