Eri reqa’lenel ri Delegación Especial rech ri División Especializada rech Investigación Criminal (DEIC) rech ri Wokajil Ajchajil Tinamit (PNC) pa komonchak ruk’ ri Ministerio Público ub’i’ (MP) paq’ij kamik 25 rech octubre ri’, xkib’an k’i taq tzukunem pa Villa Nueva xuquje’ pa Amatitlán, Iximulew.
Eri tzukunem ri’ xb’anik rech xterenb’ex utzukuxik uwach ri b’anoj elaq’ xuquje’ ri k’aqanik xb’an chi re jun ixoq pa el 21 rech octubre rech ri junab’ ri’.
Pa le 6ª calle 2-92 colonia San José, Villa Nueva, Iximulew ri’, eri tzukunelab’ xkiriq k’ut Q83 mil 260 chi pwaqil ruk’ keb’ chi ch’aweb’al. Pa le tzukunem xchap loq jun winaq ub’i’ Santos Yojcom Toc, 41 ujunab’, are chi’ tajin che b’anoj k’ax.
Jeri’ pa le colonia San Lorenzo, zona 1 rech Amatitlán ri’, chi la’ k’ut eri reqa’lenel ajchajil tinamit xkichap wi loq a Gerardo Arnoldo Olivares Montes, 47 ujunab’, ruk’ xriq wi keb’ chi k’aqb’alil, wuqub0’ chi ch’aweb’al, waqib’ chi tolvas, 142 chi ub’aq’ k’aqb’alil, ruk’ US $110 y Q684 mil 565 chi pwaqil ri’.
Eri tzukunelab’ xkib’ij, eri pwaqil xriqitajik pa le chi tzukunem xb’antaj ri’ are kopan pa Q767 mil 825, are la’ xpisik xkolik xuquje’ are xkoj che q’alajisab’al ri tzukunem chi rij ri keb’ b’anoj k’ax ri’.