Eri reqa’lenelab’ ri División rech Información Policial (DIP) rech ri Wokajil Ajchajin Tinamit (PNC) pa le aduana rech Melchor de Mencos, Petén xjach wi loq pa kaq’ab’ ri pandillero salvadoreño ri’, ri kab’ixik are ub’i’ a Marvin N, 45 ujunab’, ri xriqitaj loq pa rulewal tinamit beliceño ri’, ri xjach loq kumal ri wokajil ajchajin tinamit rech ri nimatinamit apan.
Eri jun a Marvin N are jun uwinaqil ri Mara Salvatrucha (MS) pa utinamit ri’. Are chi’ xk’ij utoq’ixik uwujil rech kataq b’i xk’am b’i kumal ri wokajil ajchajin tinamit pa k’ulb’a’til rech Anguiatu Concepción las Minas, Chiquimula, chi la’ k’ut kajach wi b’i pa kaq’ab’ ri q’atb’al tzij salvadoreñas ri’.
Eri PNC kub’ij, e 93 chi winaqib’ salvadoreñas ri’ maj kiwujil uwujil reqam are chi’ xriqitaj pa amaq’ tinamit eri’ pa le 2025. E 46 pa kajilab’alil xejach b’i pa kaq’ab’ ri q’atb’al tzij salvadoreñas ri’, xuquje’ e k’o 47 e tz’apital pa japache’ rech ri amaq’ tinamit ruml jalajoj ri kimak kib’anom ri’.
Eri b’anoj chak ri’ kumal ri q’atb’al tzij rech Iximulew, Belice xuquje’ El Salvador are kuya uchuq’ab’ ri chajinem rech uq’atexik ri b’anoj k’ax xuquje’ rech kaq’atexik ri nik’aj molaj b’anol k’ax rech taq nimatinamit apanoq pa rulewal amaq’ tinamit ri’.