Eri tzukunelab’ ri División Especializada rech Investigación Criminal (DEIC) rech ri Wokajil Ajchajin Tinamit (PNC) xkiriq pa le Hospital Modular rech Chiquimula ri’ jun uwinaq ri jun pandilla Barrio 18, ub’i’ a Carlos “N”, 45 ujunab’, ukojomb’i’aj “Fidelina”, “Chino” xuquje’ “Snay”, are kab’ixik taqom loq uchapik rumal ri q’atb’al tzij salvadoreña ri’.
Eri utzijol kab’ixik kumal ri q’atb’al tzij ri’, eri jun winaq ri’ taqom loq uchapik rumal jun q’atb’al tzij rech Santa Ana, El Salvador, eri umak kab’ixik b’anoj k’ax pa molajil. Are chi’ xriqik, xchap b’i xjach b’i pa kaq’ab’ ri Wokajil Ajchajin Tinamit rech El Salvador pa le frontera Anguiatú, Concepción Las Minas, Chiquimula ri’.
Eri jun pandillero ri’ pa jun nimaja rech rachoch kekunax wi winaqil k’a pa le 31 rech octubre ri’, rumal taqatajinaq chi ub’aq’ k’aqb’al q’aq’, rumal ri k’ax ri man kab’an taj, xcha’ ri ajkunanel chi la’.
Eri q’atb’al tzij xkiya utzijol ri’, che pawe junab’ ri’, e k’o chik e 90 chi winaqil salvadoreños e’uwinaqil ri ajb’anol k’ax e riqom chik; e 45 chi ke e chapom b’i e taqom b’i pa amaq’ katinamit, eri 45 chik e chapom e tz’apim pache chi’ pa Iximulew ketajin che utojik ri kimak ri’.
Eri Ministerio rech Gobernación sib’alaj xub’ij che ri uchak upatan ri’ are rech kuya’o uchuq’ab’ ri b’anoj ya’olchajinem xuquje’ kuchajij ri kiq’axenik ri winaqil pa amaq’ tinamit ri’, jeri’ pa kemonchak pa taqawokajil pa rulewal amaq’ tinamit, rech kakitzukuj kakiriqo xuquje’ rech kakichap b’i kakijach b’i ri winaqil e’ajpache’ pa kaq’ab’ ri q’atb’al tzij rech pa katinamit. Jeri’ sib’alaj xub’ij che ri puqtzukunem ri’ are la’ uwach ri nimachajin winaqilal katajin ri’, rech uq’atexik ri molaj b’anol taq k’ax pa taq amaq’ib’ nimatinamit apanoq xuquje’ rech kanimaxik ri kemon tob’anem kuk’ taq ri amaq’ tinamit e k’o apanoq, jeri’ kaya utzijol ub’ixik ri tzijob’el ri’ xuquje’ ri kajachik b’i ri winaqil che ri taqom loq kichapik, rech k’o pa ujikomal ucholalejil ri taqanem pa tinamit ri’ xuquje’ rech pa joremal ki’kotem kek’oji ri winaqilal e’aj iximulew ri’.