Pa le uq’ijol uq’atexik taq b’anow k’ax b’anom pa taq amaq’ib’ pa uwachulew ri’, eri reqa’lenelab’ ri Subdirección General rech Análisis rech Información Antinarcótica (SGAIA) ri Wokajil Ajchajin Tinamit (PNC) xkib’an jun tzukunem ri pa k’isb’al ri’ xb’antaj kowonem xchap ri jun achi k’o umak ub’anom pa nimatinamit naj ri’ rumal ri’ taqom uchapik loq rumal ri Estados Unidos ri’.
Pa le tzukunem xb’an pawe q’ij kamik pa le 1ra avenida 2-08, zona 1 rech Fraijanes, Iximulew ri’, chi la’ k’ut xchap wi loq jun ach ub’i’ a John Nunez, 34 ujunab’, aj winaqil estadounidense xuquje’ aj iximulew ri’. Eri jun achi ri’ k’o k’i ub’i’ ukojom che rib’, k’o jun ukojomb’ia’j ri’, are ri’ “Big Lips”, jun chik ukojomb’i’aj “Jhon Doe”, jun chik ukojomb’iaj “Carlos Morales”, jun chik ukojomb’ia’j “Jhon Eric Nunes”, jun achik ukojomb’i’aj “Jhon E. Nunes” xuquje’ ri jun chik ukojomb’i’aj “José Manuel Martínez” ri’.
Eri q’atb’al tzij kakib’ij, eri jun achi ri’ ri k’o umak pa jun chik nimatinamit naj, are xtaq loq uchapik rumal k’o taq ri k’ax xub’an pa rulewal nimatinamit estadounidense ri’. Rumal k’o winaq ukamisam, k’o k’ax ch’ayonem tech’nik ub’anom, k’o k’aqb’al q’aq’ ukojom pa b’anow k’ax, xuquje’ k’o nim kaq’anik ukojom pa taq b’anow k’ax rumal.
Jeri’, rumal taq ri b’anow k’ax ub’anom ruk’ taq k’aqb’al q’aq’ ri’, rumal k’o k’ax ch’ayonem ub’anom ruk’ k’aqb’al q’aq xuquje’ rumal k’o nimak’ax xub’an che ri jun ajchajinel rech nimatinamit naj ruk’ jun ch’ich’ ub’insam, xuquje’ rumal k’o nik’aj chik k’aqanik ub’anom are chi’ ub’insam jun ch’ich’ rumal xe’uya pa k’ax ri winaqil ri’, rumal ri’ chapom tz’apim pa japache’ rumal q’atb’al tzij.
Eri jun achi’ ri’ xk’am b’i pa taq q’atb’al tzij rech kataq b’i pa tz’apib’al ja pa q’atb’al tzij rech ri nimatinamit naj ri’.
Are wa’ uwach ri b’anow uchapik uq’atexik tajin rumal ri PNC rech pa le kaq’atexik ri e’ajb’anol k’ax ri’ xuquje’ rech kaya uchuq’ab’il ri chajinem ri’.