Ok’owinaq chik keb’ junab’, eri wuqub’ winaq kumal xkiriq k’ax le winaq e b’enaq ri’ pa le 27 rech junio rech 2022 pa San Antonio, Texas, Estados Unidos ri’, xechapataj loq kumal ri q’atb’al tzij rech ri qatinamit Iximulew, kumal ri Wokajil Ajchajil Tinamit (PNC). Ri xkib’an oxlajuj chi puqchajinem tzukunik rech xkichap loq nik’aj winaq e ajmak chi rij ri b’anoj k’ax ri’, ri ajtaqoninel rech ri jun molaj b’anol k’ax ri’ kib’i’ “Los Orozcos”, ri xtaq loq uchapik rumal ri q’atb’al tzij estadounidense rech kechap b’i chi rij ri 53 winaqil e b’enaq ri xekam ri’, xuquje’ rumal e k’i ri winaqil maj kiwujilal keqam rech xkik’am b’i pa le jun nimatinamit le’.
Eri jun xchap loq ub’i’ Rigoberto Ramón MO xuquje’ kuk’ ri nik’aj chik ri xechap loq pa San Pedro Sacatepéquez, San Marcos ri’. Pa jun chik puqtzukunem xb’an pa Jalapa xchap wi ri jun chik uwinaq ri jun molaj b’anol k’ax ri’. Kuk’ wari’ xb’antaj kowonem xq’atataj ri jun molaj b’anol k’ax ub’i’ “Los Orozcos”, ruk’ kiq’atexik ri’ kaya jun k’ajsab’al chi kech ri e Itzelwinaq che ri kakik’am b’i winaq rech kakiq’axe’j pa taq amab’il ri’ maj kiwujilal keqam rech ke’opan pa Estados Unidos, rumal teren kikamik chi kij kakitij ri q’oxomal pa le kiq’axexik b’i ri’.
Eri puqtzukunem chajinik ri’ are xuya pa retalil rech xch’ob’otajik che are ri jun molaj b’anol k’ax ri’ kakik’am b’i ri winaqilal maj kiwujil keqam rech keb’e pa le nimatinamit norteamericnao ri’. Xuquje’ are rumal nimalaj pwaq rajil kakeqaj chi kij ri k’iyalaj taq winaqilal pa ronojel taq junab’ ri’, are la’ kub’an jun nimalaj pwaq rajil ri kakeleq’aj uwach ri’.
Pa le puqchajine tzukunik e k’o k’i ri ch’ich’ keb’inisax xriqitaj loq, ruk’ pwaq rajil b’otolik xuquje’ ruk’ k’i tob’kemchakub’al xriq ri’ ri sib’alaj tajin utzukuxik uwach utzijol pa juntir ri’. Xuquje’ kaya utzijolil che chi la’ k’ut xeto’ wiri’ e k’i winaq e ajq’axenelab’ ri’. Ero puqchajinem tzukunik ri’ are la’ xb’an ruk’ utob’anik ri Ministerio rech ri Defensa Nacional, rech ri Ministerio Público xuquje’ rech ri Oficina rech Investigaciones rech Seguridad Nacional rech Estados Unidos (HSI, xuquje’ Homeland Security Investigations) ub’i’ ri’.