Pa waqxaqib’ q’ij rech mayo, pa le jachakub’al rech ri Tecún Umán, Ayutla, San Marcos, eri rajchajinel ri Subdirección General rech Ch’ob’oj Tz’ijol Antinarcótica (SGAIA) ri’ rech ri Wokajil Ajchajil Tinamit (PNC) pa komon ruk’ ri Ministerio Público xuquje’ kuk’ ri q’atb’al tzij mexicanas, xekowonik xkichapo jun achi aj iximulew ub’i’ Julio Alberto, alias “Beto”, 41 ujunab’ rech kataq b’i pache’ q’atb’al tzij rech naj tinamit. Eri jun winaq ri’ taqom loq uchapik rumal ri Corte Distrital rech ri Estados Unidos rech ri Distrito Este rech Texas.
Eri jun achi ri’ alias Beto are kab’ixik k’o awan kunab’al cocaína xutaq pa k’ayinem pa awalik pa Estados Unidos xuquje’ ri xub’ano unuk’ik job’ chi pajb’alil ri awan kunab’al ri’, rech xutaq pa awalik pa le Estados Unidos ri’.
Eri utzukuxik xb’an kumal ri q’atb’al tzij rech ri PNC xuquje’ MP, xuquje’ xb’an kumal ri agencias mexicanas rech tzukunik, ri xkich’ob’o kiq’alajisaj uwach ri jun molaj winaq kakitaq b’i ri awan kunab’al pa le Sur, ri Centro xuquje’ pa Norteamérica k’a pa le 2008. Are jun molaj winaq ri’ xkib’an chom upajb’alil ri cocaína pa le Estados Unidos ri’.
Ruk’ jun achi, e wuqub’ chi winaq e aj iximulew e chapom chik rech taqom b’i pa le Estados Unidos rech Amperica pa le junab’ ri’.