Eri Centro Antipandillas Transnacional CAT-PNC, kimik xkib’an jun nim tzukunem pa le zona 6 rech uk’u’x nimatinamit, chi la’ k’ut xchapataj wi loq a Bladimir Ernesto Pérez Ramos, 32 ujunab’, uq’ab’emb’i’aj “Polvorín, Pirulo, Humilde xuquje’ Triste”, are winaqil salvadoreña uwinaqil ri jun Barrio 18 ri k’o umak ub’anom pa Iximulew xuquje’ pa El Salvador, xuquje’ are jun chi ke ri jok’al che ri qas taqomm kichapik loq pa utinamit.
Eri xq’alajisax chi rij wari’, ri are k’o umak xub’an pa Iximulew are chi’ xriqitaj ub’aq’ taq k’aqb’al q’aq’ ruk’ jacha ri kakikoj ri e’ajchajin tinamit, pa 9 rech enero rech ri 2022. Pa El Salvador k’o wuqub’ umak ub’anom ri’ k’a pa le 2009 pa le 2016 rumal xuk’ayij awan jastaq kunb’al, rumal kamisan winaq, toq’inik pwaq, keleq’axik winaq, rumal reqam k’aqb’al q’aq’, b’anoj k’ax xib’in winaq pa tinamit xuquje’ rumal b’anoj taq k’ax pa molajil ri’.
Rumal ri’ kak’am b’i pa le frontera Valle Nuevo, Jalpatagua, Jutiapa, rech kajach b’i chi la’ pa kaq’ab’ ri q’atb’al tzij rech El Salvador, xuquje’ xya’ utzijol che xchap loq ri Marelin “N”, 30 ujunab’ are jun pandillera rech ri Barrio 18 xuquje’ ruk’ ri rachijil ub’i’ a Pérez Ramos, jeri’ xriq jun k’aqb’al q’aq’ ruk’ ri maj uwuj. Chi la’ pa jun nimaja xriqitaj wi loq jun alaj ala 7 ujunab’ ri xel kan pa kaq’ab’ ri q’atb’al tzij rech ri PGN.
Eri q’atb’al tzij rech ri Ministerio rech Gobernación, sib’alaj xuya utzijol chewe are un eqale’n chak kuk’ ri tinamit winaqil e’aj iximulew, pa le ya’ik uchuq’ab’ ri chajinem pa tinamit xuquje’ pa le kaq’atexik taq ri nuk’molaj b’anol k’ax pa taq nimatinamit e k’o apan ri kuya q’oxomal pa tinamit ri’.