Eri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC) xkichap ri jun extraditable ukojomb’i’aj “La Negra Tomasa”, ri taqom loq uchapik rumal ri q’atb’al tzij estadounidense rumal k’o pa narcotráfico. Ri are xchap loq iwir pa jun puqtzukunem kumal e’ajchajin tinamit pa le kilómetro 169.5 pa rulewal tinamit rech Chiquimula.
Are k’ut ri jun hondureño-guatemalteco ub’i’ Evelin Gilberto Herrera on Mateo Fernando Morales Martínez, 39 ujunab’, rumal kab’ixik are xutaq b’i uk’ayixik awan kunb’al rech cocaína chi la’, pane’ b’a’ reta’m ri are chi k’o are jun umak b’anoj k’ax ri’ kub’san awalik chi la’ pa Estados Unidos rech América ri’.
Ri are xtaq uchapik pa le 20 rech junio kanoq, rumal ri Q’atb’al Tzij rech Nab’e Q’atoj Tzij ri’ rech Diligencias Urgentes rech Investigación ruk’ Competencia Exclusiva chi rij taq Delitos rech Narcoactividad. Xuquje’, eri jun winaq ri’ xuquje’ taqom loq uchapik rumal ri q’atb’al tzij rech Honduras ri’, rumal k’o pa narcotráfico ri’.
Ruk’ ri are, e k’o chik 15 chi extraditables e chapom chik pawe junab’. Pa konojel, e k’o e lajuj e chapom b’i rumal e k’o pa k’ayin awan kunb’al ri’ xuquje’ rumal pa awalik ke’uk’am b’ winaq ke’ukoj pa ch’ijom chak ri’. Eri b’anowem ri’ are la’ uwach ri cholchak tajin ub’anik rumal ri wokom k’amal b’e tinamit rech pa uq’atexik taq e nuk’molaj b’anol k’ax pa taq nimatinamit.