Eri Wokajil Ajchajin Tinamit (PNC) pa jumul chik xkichap kimik a Ever Jonathan Sinay Dionicio, 43 ujunab’, alias “El Cartoon”, are jun chi e ri juk’al xkesaj b’i kib’ pa Fraijanes II pa octubre kanoq. Are ri’ jun uwinaqil ri jun molaj b’anol k’ax kib’i’ Los Crazy Gangsters rech ri Barrio 18 xuquje¿ are kab’ixik ri jun xib’ib’al winaq ri itzalalaj b’anol k’ax ri’.
Eri jun achi ri’ are xchap pa jun nimaja k’o pa le aldea Las Anonas, zona 2 rech San José Pinula, pa tinamit rech Iximulew ri’. Are k’ut ri PNC, ri xchapow loq, jeri’ kumal ri jalajoj taq uwokajil ri ajpuqtzukunel tzukno’jchak ri’ rech xterne’xik ri’ xuquje’ rumal ri’ xchap loq “El Cartoon” ri’.
Eri Ministerio rech Gobernación (Mingob) ri’, k’amatil ub’e rumal ri ministro Marco Antonio Villeda are sib’alaj tajin uterne’m kachapik nik’aj jo’lajuj chi e’ajpache’ che eri xkesaj b’i kib’ ri’, rech ke’utzalij chi loq pa japache’ tz’apib’al rech kakitojo ri kimak pache’ ri’. Rumal ri’ k’o Q3 millones rech katojik chi ke ri winaqil rech kakiya loq kitzijol ri’ rech keriqitajik kechap loq pa jumul chik, rech katoj Q150 mil chi kijujunanal ri’.
Eri chak xb’antaj kumal e’ajtzukunelab’ ri’ are kuya uchuq’ab’ ri Fuerza rech Tarea Conjunta Vulcano, rech Buró Federal rech Investigación (FBI, ub’i’ pa inglés tzij ch’ab’al) rech ri Gobierno rech ri Estados Unidos rech América e’are ri ketob’an ruk’ ri Mingob xuquje’ ri PNC, rech kakiterne’j katzukuxik nik’aj e’ajpache’ kesam b’i kib’ ri’.
Ruk’ ri jun achi ajpache’ xchap loq xechap loq nik’aj ixoqib’ kib’i’ al Magda Elizabeth “N”, 39 ujunab’, xuquje’ al Violeta Marilú “N”, 32 ujunab’, e’are keb’ixik ri xetob’an chi re ri jun resam b’i rib’. Rumal k’uri’, xuquje’ xek’am b’i pa taq q’atb’al tzij chi rij ri kimak ri’.