Rumal pa aninaqil k’ut xe’opan reqa’lenelab’ ri Comisaría 15 rech ri Wokajil Ajchajin Tinamit (PNC) xb’antaj kowonem xchap jun achi ub’i’ ub’i’ a Daniel Moisés Robles Navarro, 25 ujunab’ ri’. Eri jun achi ri’ are xuwaj rib’ pa jun iglesia católica k’o pa le 12 avenida xuquje’ 2ª calle rech ri zona 3, Bárcenas, Villa Nueva, Iximulew, rech xranij rib’ pa kaq’ab’ ri q’atb’al tzij.
Eri a Robles Navarro nab’e ri’ xraj xe’uk’aq ri ajchajinelab’ rech seguridad privada che ri kechajin pa jun centro comercial ri’ pa San Miguel Petapa ri’.
Are chi’ xya ub’ixik ri’, eri PNC sib’alaj xkijipij kib’0 chi la’ k’ut, rech xkitaqij uchapik ri jun ajb’anol k’ax k’aq’anik ri’.
Eri wokajil ajchajin tinamit sib’alaj xkiq’atij jun ajbanol k’ax ri’, ri xunimaj ta tzij xtak’ab’ taj, xa’ xranij rib’ pa jun b’insal ch’ich’ pickup ruk’ ri placas reqam P 830HWW, are chi’ xterne’x ri’ xchap pa jun k’olib’em rech Villa Nueva, chi la’ k’ut xqaj wi loq pa le ch’ich’ ub’insam, rech xe’uk’aq ri e’ajchajin tinamit. Te k’u ri’ k’ut xmajtaj jun roqataxik ri xk’is ri’ are chi’ xchap pa le jun iglesia ri’.
Pa le roqataxik xb’anik, eri ajchajin tinamit xkiriq jun k’aqb’al q’aq’ ruk’ ri are la’ kab’ixik xukoj pa le k’aqanik ri’, ruk’ ri ch’ich’ ri b’enaq wi are chi’ xraj xkanimajik chi la’.
Eri k’ax xub’an ri jun achi ri’ are la’ xupetisaj koyowal ri winaqil rech chi la’, rumal ri’ xkaj ri are xkiporoj ri achi ruk’ ri pickup ri ch’ich’ ub’inisam ri’.
Te k’u ri’, xe’opan le jun Binomio K-9, ri are jun k’amal b’e ruk’ jun tz’i’ ajsiqonel, rech sib’alaj xkisolij upam le b’insam ch’ich’ xchapik xuquje’ rech xtzukuj awan jastaq rech kab’an k’ax chi upam kumal ajb’anol k’ax. Ruk’ ri uq’atexik ri’ kaq’alajin wi ri chak sib’alaj tajin kumal ri wokajil ajchajin tinamit rech pa le utz kachajixik ri winaqilal ri’ xuquje’ ri chajinem pa tinamit.