Eri cooperación interagencial chi kumal Guatemala, México xuquje’ Estados Unidos rech América xuya pa retalil rch xb’antaj kowonem xchapataj jun achi ub’i’ “Chicharra” kab’ixik, are jun ajtaqol tzij rech ri jun molaj b’anol k’ax kib’i’ “Los Huistas”, ri e rech ri narcotráfico ri’. Ri jun achi ri’ kab’ixik xchap loq iwir pa México ri te k’u ri’ xk’am loq pa qatinamit, rech kaya pa uq’ab’ q’atb’al tzij chi rij ri k’ax xub’ano.
Eri jun achi ri’, are kab’ixik ub’i’ a Aler Baldomero “N”, are xtaq loq uchapik rech kak’am b’i pa le Corte Distrital rech Estados Unidos rech ri Distrito rech Columbia rumal xuk’ayij b’i ri cocaína chi la’ k’ut, pane’ b’a’ reta’m ri are che are jun b’anoj umak ri’, chi k’o ri q’atb’al tzij chi rij ri awan jastaq ri’ pa Estados Unidos.
Eri Ministro rech Gobernación, Francisco Jiménez, pa le uwach uwuj rech X, sib’alaj xuya utzijol ri’ che ri jun achi ri’ are ri qas b’anom utzukuxik pa Iximulew ri’ xuquje’ eri jun chi kech ri e 100 ri qas taqom kachapik loq rumal le nimatinamit naj EE. UU. Xuquje’ eri Jiménez sob’alaj xuya ub’ixik rumal ri cooperación trinacional ri’, xb’antaj kowonem rech xchap loq jun ajtaqon b’anol k’ax ri’ kib’i’ “Los Huistas”.
Are chi’ xjach loq kumal ri e’ajchajin nimatinamit mexicanas ri’ eri reqa’lenel ri Interpol-Guatemala xuquje’ rech ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC), Samayoa Recinos ri’ pa kaqiq’ cho kaj xk’am loq pa le nim rachoch le Fuerza Aérea Guatemalteca (FAG). Ri sib’alaj chajital kumal le e’ajchajin tinamit ri’ xkik’am b’i pa le Torre de Tribunales ri’, chi la’ k’ut kaq’at wi tzij pa uwi chi rij ri nimak’ax xub’ano.
Eri b’anoj tzukunem chi rij xb’an kumal ri q’atb’al tzij ri’, e’are xkib’ij che ri jun molaj b’anoj k’ax ri’ are la’ qas xub’an jun nimak’ax k’a pa nimatinamit iximulew ri’, jeri’ xkib’an ri e’ajtaqol kech nik’aj molaj b’anol k’x ri’ e’are ri’ qas e’ajmak ch irij ri uq’axexik b’i ri awan kunb’al pa le nimatinamit naj.
Eri jun Chicharra kuk’ nik’aj chik uwinaqil ri jun molaj b’anol k’ax ri’ e’are ri’ ri qas xkib’an uk’ayixik ri awan kunb’al pa rulewal nimatinamit Iximulew pa le uwi nimaplow xuquje’ pa taq tinamit, are la’ nab’e xkib’ano rech te k’uri’ xkiq’axe’j b’i pa kaq’ab’ ri molaj b’anol k’ax mexicanas ri’ rech te k’uri’ xkiq’axe’j b’i maj pa usaqil k’a pa Estados Unidos ri’.