Rumal b’a’ sib’alaj pa aninaqil xe’opan le rajtzukunelab’ le Centro Antipandillas Transnacional (CAT) rech ri Wokajil Ajchajil Tinamit (PNC) rech xkichap loq ri jun ixoq ub’i’ al Lesly N, 35 ujunab’, are kab’ixik ub’otom b’i chom pwaq ri uwujil reqam tane’ rech kuq’alajisaj jas chi’ xuk’am wi loq. Ri are xchap pa le pa jun roqataxik kumal le e’ajchajil tinamit pa le zona 18 ri’ rech uk’u’x runimal nimatinamit.
Eri wokajil ajchajil tinamit xkiq’atij ri jun ixoq pa jun tzukunem q’atenik xb’an kumal le e’ajchajil tinamit pa le nimab’e bulevar San Rafael ri’. Emu wa’ le jun ixoq ub’i’ a Lesly N xraj tane’ xranij rib’ pa jun ch’ich’ pa kaq’ab’ ri e’ajchajil tinamit ri’, man xkowon ta k’ut rumal pa aninaqil xchap pa le colonia Alamedas III rech chi la’ pa le wokja. Le jun ch’ich’ ri’ are xsolix pa le utak’alib’al ch’ich’ rech ri subestación polciail rech chi la’ k’ut.
Pa le tzukunem ri’, sib’alaj xetob’ani le jun Binomio K-9 ri’, are jun k’amal b’e ruk’ jun tz’i’ eqa’lenel chajin tinamit, ri are xuk’utu are chi’ xusiq le awan kunb’al pa le jun alaj ch’ich’. Le pwaq xriqik xk’am b’i pa jun kaxon pimawuj rech cereal, ri are la’ xriq pa jun mochila pa le ch’ich’.
Eri q’atb’al tzij, xkib’ij eri pwaq ri’ qaraj are rech ri nuk’molaj b’anol k’ax ri’ rech ri Mara Salvatrucha (MS). Eri tzukunelab’ rech chajin tinamit pa komonchak kuk’ ri q’atol tzij rech ri MP, xkipiso xuquje’ xkik’am b’i le awan pwaq xriqitajik. Eri tzukkunelab’ xkimaj k’ut utzukuxik juntir uwach utzijol ri’ rech kakilo jawchhi’ upetik le chomapwaq xriqik.