K’o jun kamisanel xchapataj loq pa jun nim rachoch winaq are kab’ixik kojom che kik’olib’al ri jun pandilla rech ri Barrio 18, xuquje’ chi la’ k’ut kakak’iyix wi awan kunb’al pa le aldea Chichimecas rech Villa Canales, Iximulew. Are ri’ jun achi salvadoreño ri ub’ixik kab’ixik are a Carlos Alfredo Díaz Cano, 28 ujunab’, uq’ab’emb’i’aj kab’ixik le jun “Gordo”, are chi’ xerilo xe’opan ri ajchajin tinamit xraj xe’uk’aq che jun k’aqb’al q’aq’ ri’, man xkowon taj rumal xchap pa aninaqil. Eri jun achi ri’ are xtzukuxik rumal k’o nik’aj k’ax xub’an pa uq’ab’ tinamit ri’ xuquje’ pa San Miguel Petapa.
Are chi’ xchapik, eri reqa’lenelab’ ri División rech Información Policial (DIP) rech ri Wokajil Ajchajin Tinamit (PNC) xriq jun k’aqb’al ruk’ ri josomel retal rajilab’al. Pa le tzukunem xb’an pa rachoch winaq chi la’ xriq wi 212 uware rilik uk’olib’alil ri k’o cocaína chi upam, ruk’ 30 chi nitz’ k’olib’alil marihuana ri, rui’ 206 peraj k’olib’al rech crack, ruk’ 103 rab’arik rilik k’olib’alil ruk’ cocaína ri’, ruk’ keb’ chi ch’aweb’alil, ruk’ jun tolva ri t’ot’ rilik rachib’al, xuquje’ ruk’ Q7,031.00 chi pwqqil b’otolik, are rajil kab’ixik ri awan kunb’al kak’ayixik. Xuquje’ k’o altar rech ri Santa Muerte xriq ri’.
Pa jun chik rachoch winaq xtzukux upam ri’, eri wokajil ajchajin tinamit ri’ xkiriq chi la’ nik’aj altares rech ri Santa Muerte, xuquje’ k’o jun k’aqb’al q’aq’ xriq chi la’, ruk’ keb’ b’ilob’al ub’aq’ k’aqb’al q’aq’, 14 ub’aq’ k’aqb’al q’aq’, ruk’ jun ch’aweb’alil, jun chokonsab’al rech DVR, xuquje’ rk’ jun k’olib’al tz’ib’ tzij USB. Ronojel ri awan kunb’al xriqitaj ri’ xpis b’i kumal ri q’atb’al tzij, pa komonchak kuk’ ri q’atol tzij rech ri MP, rech kab’an usolixik utzukuxik juntir utzijol uwach ri’ xuquje’ rech kaya uchuq’ab’ ri tzukno’jchak chi rij wari’.
Pa le tzukunem ri’ xopan jun achi ub’i’ a Manuel de Jesús Valenzuela Polanco, 59 ujunab’.
Are chi’ xilik ri utzijol ri are kumal ri ajchajin tinamit, xq’alajinik chi k’o keb’ mul taqom uchapik ri’ rumal ri k’o winaq xuch’ayo xuquje’ rumal reqam k’aqb’al q’aq’ maj uwujilal ri’. Rumal ri’, xchap chi la’ xuquje’ xk’am b’i pa q’atb’al tzij rech kachomaxik chi rij ri k’ax umak xub’ano.