Eri reqa’lenelab’ ri Comisaría 33 rech ri Wokajil Ajchajin Tinamit (PNC) xkichap loq jun achi ajpache’ ub’i’ a Berni Alexander Ixcamil Alvarenga, 27 ujunab’, ri xchap loq pa jun puqtzukunem xb’an pa 8 q’ij rech diciembre, pa le zona 3 rech Río Bravo, Suchitepéquez ri’.
Eri a Ixcamil Alvarenga ri are resam b’i rib’ pa le Granja Modelo rech Rehabilitación Canadá, k’o pa Escuintla ri’, pa le 25 rech noviembre kanoq. K’a xtotajik are chi’ xresaj b’i rib’, eri wokajil ajchajin tinamit pa aninaqil k’ut xkitaq utzukuxik, uriqik xuquje’ rech kachap loq, we kimik ri’ xchapataj pa jumul chik.
Eri jun achi ri’ che ri tajin che unimaxik utojik ri umak ri’ rumal ri b’anoj k’ax rech tijow taq awan kunb’al ri’, b’anoj taq elaq’, ri are ri’ xya utzijol kumal ri ajchajinelab’ che xsach k’ut pa le Wokajil Japache’ (SP) xilotaj k’ut che xriqitaj ta ri are pa le japache’ ri’.
Are chi’ xchapataj loq xk’am b’i pa q’atb’al tzij chi rij ri umak xub’an ri’ rech kaq’at tzij chi rij ri’. Eri uchapik pa jumul chik ruk’ wa’ kaq’alajinik che katajin jun utzilaj tzukno’jchak kumal ri wokajil ajchajin tinamit, xuquje’ pa aninaqil tajin kachapik ri e’ajb’anol k’ax ri’.