Pa jun puqtzukunem xb’antaj kumal ri Wokajil Ajchajin Tinamit (PNC), eri q’atb’al tzij pa viernes ri’ xkichap loq a José Carmelo Sinay Ortiz, ukojomb’i’aj “Inquieto” xuquje’ “Style”, jun chi ke ri e juk’al e’ajpache’ che ri xkesaj b’i kib’ pa le 12 rech octubre rech 2025 pa le Rachoch Tz’apib’al Winaq ub’i’ Centro rech Detención Preventiva rech Achijab’ Fraijanes II, Fraijanes, rech nimatinamit Iximulew. Eri q’alajisab’al xb’an chi kij, kub’ij che ri jun achi ajpache’ ri’ uwam rib’ pa le uq’ab’tinamit rech San Juan Ostuncalco, pa Xelaju’, chi la’ k’ut kab’ixik wajom wi kumal uwinaqil ri molaj b’anol k’ax kib’i’ “Solo Para Locos” rech ri Barrio 18 ri’.
Ri are xchap pawe q’ij kamik pa le keb’ uwach puqtzukunem, solinik xb’an chi upam taq ri nimaja k’o pa uqajib’al q’ij pa amaq’ tinamit. Pa le puqtzukunem ri’ e’are jun xek’oji ri rajchakunel ri q’atb’al tzij ub’i’ Fiscalía rech Q’ateb’al taq Delito rech Extorsión rech ri Ministerio Público ri’, ruk’ katob’anik ajeqa’lenel rajtzukunelab’ ri Wokaj Ajchajinelab’ rech Q’ateb’al taq ri Pandillas (DIPANDA) rech ri PNC.
Eri tzukunem are uwach taq ri b’anoj katzukuxik nik’aj e’ajpache’ che ri kesam b’i kib’ pa rachoch tz’apib’al winaq rech Fraijanes II ri’. Chewe chanim e waqxaqib’ chik e chapom chi loq k’o jun chi ke xkamik.