Eri reqa’lenelab’ ri Centro Antipandillas Transnacional (CAT) rech ri Wokajil Ajchajil Tinamit (PNC) xkiya utzijol che xriqitaj jun pandillero salvadoreño alias “Blaiser”, pa jun tzukunem xb’anik pa le 26 reh agosto ri’ pa le zona 5 rech uk’u’x nimatinamit.
Are ri’ a Luis Felipe Vides Cruz, 31 ujunab’, uwinaqil ri jun clica Piwis Wainos Sueños rech ri pandilla rech ri Barrio 18 ri’. eri jun achi ri’ k’o keb’ mul uchapik taqom loq chi rij rumal xukoj rib’ pa kib’i’ nik’aj chik b’anol k’ax pa utinamit.
Rumal ri’ xk’am b’i jun achi ri’ Alias “Blaiser” kumal ri ajchajil tinamit pa le rachoch ri chakuja rech ri Instituto Guatemalteco rech Migración (IGM) k’o pa le frontera Valle Nuevo, Jalpatagua, Jutiapa ri’, chi la’ k’ut xjach wi b’i pa kq’ab’ ri q’atb’al tzij salvadoreñas ri’.
Are xchi’ xmajtaj loq ri junab’ ri’, e k’o chik 61 chi pandilleros salvadoreños e chapom b’i rumal maj kiwujil keqam rumal kiwam kib’ pa tinamit ri’ xuquje’ e k’o 17 keriqitaj pa japache’ tz’apib’al rech pa Iximulew, rumal k’o ri kimak kib’anom.