Pawe q’ij ri’ xb’an ri Nab’e Nimriqon ib’ rech ri Círculo Estratégico rech Validación (CEVAC), ri are pa xb’ab chi rij pa junamil uchomaxik ri b’anoj cholchak ri’, rech kaq’at uwach le cholchak rech ya’ik uchuq’ab’ ri b’anoj puqchajinem, ri tzukunik xuquje’ rech nab’ejsab’al q’atenik k’ax rumal ri Wokajil Ajchajin Tinamit (PNC), jeri’ rech katoq’axik uloq’aq’exik kiwach ri wokajil ajchajin tinamit.
Eri riqon ib’ ri’ are xk’am ub’e ub’anik rumal ri Ministro rech Gobernación, Francisco Jiménez, ri sib’alaj xub’ij che ub’anowik ri cholchak ri’ are la’ kuya’ uchuq’ab’ ri uchakunik ri wokajil ajchajin tinamit. Xuquje’ sib’alaj xub’ij che uwi katijoxik ri ajchajin tinamit are ri’ k’o nim upatanib’al rech utz kakib’an chech ri kichak, pa le kachajixik ri winaqilal xuquje’ ri chajinem pa tinamit.
Chi’ xek’oji ri Viceministro rech Seguridad, José Portillo, ri Viceministro Administrativo, Felipe Sánchez, ri Viceministro rech Tecnología rech ri Tzijolil xuquje’ Tzijob’enem, William Cameros, ri Viceministra rech Antinarcóticos xuquje’ Seguridad Fronteriza, Claudia Palencia, xuquje’ xek’oji rajtaqanelab’ wokajil ajchajin tinamit xuquje’ rajchomanelab’ ri Oficina rech Asuntos Antinarcóticos xuquje’ Kojob’al rech ri Taqanem (INL) rech ri Embajada rech Estados Unidos rech América.
Pa le riqon ib’ are xchomaxik runimal taq tzij rech jalib’al uwach rachib’al ri wokajil ajchajin tinamit, ruk’ ri ya’ik uchuq’ab’ ri kichak kakib’an ri wokajilal ri’, ri kaloq’aq’exik ri e’ajchajin tinamit xuquje’ rech k’o jun utz kachajixik ri winaqilal ri’ rech kakub’ kik’u’x ri winaq chi kech ri wokajil ajchajin tinamit.
Xuquje’ xib’alaj xya ub’ixik chi k’o nim upatanib’al ya’ik uchuq’ab’ ri b’anoj nab’ejsab’al b’anoj k’ax, ri tzukunem kab’anik, xuquje’ ri chajinem pa k’ulb’a’t juyub’ ri’, jeri’pa nik’aj chik. Xuquje’ sib’alaj xya ub’ixik chi k’o nim upatanib’al rech katerne’x uq’atexik ri elaq’ itzelb’anoj pa taq wokajilal, rech kab’an ri nim chajinem pa tinamit.