E k’o oxib’ chi pandilleros ketajin pa q’atoj tzij chi kij rumal xkib’an jalajoj b’anoj k’ax ri’ rumal ri’ xechapataj pa le tzukunem xb’an paq’ij kamik pa jalajoj taq kik’olib’al winaq pa Iximulew xuquje’ pa Suchitepéquez ri’.
Eri katzukuxik xb’an kumal reqa’lenel ri Comisarías 15 xuquje’ 33 xuquje’ kumal ri tzukunelab’ rech ri Wokajil Ajchajinelab’ rech Kaq’atexik ri Pandillas (DIPANDA), rech ri Wokajil Ajchajil Tinamit (PNC).
Eri a Luis Estrada, ri q’ab’em ub’i’ “El Canche”, 25 ujunab’, kab’ixik are uwinaqil ri pandilla rech ri Barrio 18, ri xchap loq pa le antigua terminal, zona 2 rech Mazatenango, Suchitepéquez.
Eri jun b’anol k’ax ri’ are chi’ xub’an ri k’aqanik che ri ajk’ayinel rech jun joyería local xraj xkanimajik, man xkowon taj rumal pa aninaqil xchap kumal ri ajchajil tinamit e k’o apanoq naqaj chi la’ k’ut.
Are chi’ xil le utzijol pa le PNC xq’alajinik che uq’aqb’em ub’i’ are “El Canche” ri k’o umak xuban pa nimab’e tz’ib’atalil utzijol ri’, rumal reqaxik k’aqb’al maj uwujil xuquje’ rumal ri b’anoj sakon winaq chi k’aqb’al ri’ pa taq ri junab’ 2016 xuquje’ 2018.
Pa le 33 calle xuquje’ bulevar El Milagro, colonia Lo de Bran I, zona 6 rech Mixco, Iximulew, xchap wi kumal ri tzuknelab’ ri a Jonathan Montecinos, 21 ujunab’, kab’ixik are uwinaqil ri jun molaj b’anol k’ax ub’i’ clica “Little Psycho Criminal” rech ri Barrio 18, are chi’ b¿enaq che usik’ik jun k’olib’al pwaq rech Q1 mil ri’ rech jun toq’inik pwaq xub’an ri’.
Pa le b’anoj taq tzukunem kumal ri wokajil ajchajil tinamit xkiriq jun k’olib’al ri b’anom chi re k’o ri pwaq ri xkitoq’ij chi upam ri’ ruk’ keb’ chi ch’aweb’al rech eqam, ri are kab’ixik tajin rilik uttzijolil rech kilik ri k’ax kojom wiri’. Ruk’ uchapik loq jun achi ri’ eri kajib’al ri e chapom chik kopan pa 1 mil 064 chi e ajtoq’inel pwaq ri’ ri kab’ixik e chapom chik pa le junab’ ri’, chke ri’ e k’o pandilleros, e k’o xa’ e ajesal kachib’al ri b’anol taq k’ax ri’.
Xuquje’ xchap jun kamisanel uwinaqil ri Mara Salvatrucha (MS), ub’i’ a Belter Estrada, apodado “El Vago”, 39 ujunab’, pa le kiwab’alil ch’ich’ erelwinaq rech ri nimab’e bulevar El Frutal rech zona 5 rech Villa Nueva, Iximulew. Eri jun achi’ ri’ pa keb’ mul taqom uchapik ri’ rumal kamisan ixoq xuquje’ rumal kitaqchi’xik wiinaq rech kakiq’ab’arisaj kib’ ruk’ awan kunab’alil.