Pa le puqtzukunem xb’antaj kumal ri Wokajil Ajchajin Tinamit (PNC), pa le zona 1 rech Malacatán, San Marcos ri’, xkichap loq e wuqub’ chi achijab’ e’are kab’ixik xkichap b’i le winaqil ri xkisach kiwach, pa jun finca rech ri uq’ab’ tinamit ri’. Eri nik’aj achijab’ ri’ e’are k’ut a Víctor “N”, 43 ujunab’, a Luis “N”, 43 ujunab’, a Rony “N”, 44 ujunab’, a Gilberto “N”, 35 ujunab’, a Narciso “N”, 34 ujunab’, jeri’ a Víctor “N”, 42 ujunab’ xuquje’ a Francisco “N”, 46 ujunab’ eri e’are e’uwinaqil mexicana ri’. Xuquje’ xchap jun ch’ich’ kuk’.
Eri PNC xuya ub’ixik che ri kachapik nik’aj e b’anol k’ax ri’ are rumal xterne’xik uq’alajisaxik uwach jun b’iw ub’ixik kitzijol che xsach kiwach wuqub’ chi winaq pa jun finca rech chi la’ k’ut, chi la’ k’ut xkikoj wi pa b’anow k’ax ri jun ch’ich’ xriq kuk’. Eri ub’ixik utzijol xkiya ri e’ajchajin tinamit ri’ kub’ij, che ri unidades especializadas rech ri PNC xkimaj ub’anik ri tzukunem ri’ rech xkiriq loq, rech xkiq’atij xkichap loq nik’aj molaj e b’anol k’ax ri’ ri k’o wuqub’ chi k’aqb’al q’aq’ xriq kuk’, chi k’o raqarik k’aqb’alil ruk’ 22 nojisab’al rech taq, ruk’ uwujilal xriqitaj kuk’.
Eri molaj k’aqb’al q’aq’ ri’ kaq’alisax uwach ri’ rech kuya uchuq’ab’ ri tzukno’jchak chi rij. Jeri’ eri q’atb’al tzij kiterne’m ub’anik taq puqtzukunem rech kakitzukuj pa taq ri k’olib’em taq rech San Marcos rech pa aninaqil keriqitaj loq ri winaqil sachom kiwach. Eri PNC ri’ sib’alaj xuya ub’ixik utzijol chi ke ri winaq pa tinamit rech chakib’ij loq pa aninaqil pa le 110 rech PNC xuquje’ pa le 1561 kuk’ ri Crime Stoppers.