Eri Jupuq reqa’lenel ri Subdirección General rech Análisis rech Información Antinarcótica (SGAIA) kuk’ reqa’lenel ri División Especializada rech Investigación Criminal (DEIC) rech ri Wokajil Ajchajin Tinamit (PNC) ri’ xkib’an k’ilaj puqtzukunem pa le xkichap wi loq e kajib’ chi winaqib’ e’aj k’ayinel awan kunb’al ri’, jeri’ xriqitaj awan kunb’al ruk’ pwaq b’otolik ri’.
Pa jumul chik xtzukux upam jun k’olib’al k’ayib’al ri’ pa le cantón Guizajo, San Cristóbal, El Progreso, chi la’ k’ut xb’antaj wi kowonem xchapik a Darwin N, 18 ujunab’, are kab’ixik ajk’ayinel awan kunb’al. Are chi’ xchapik, eri wokajil ajchajinel e’antinarcóticas xkiriq ri’ 21 ch’uti’n taq k’olib’al ruk’ marihuana ri’, ruk’ 48 ware k’olib’al ruk’ ri cocaína xuquje’ ruk’ 266 chi ab’aj k’olib’al ruk’ crack.
Xuquje’ xriqitajik Q630 chi pwaq b’otolik, jun ch’aweb’al rech eqam xuquje’ jun esal rachib’al rech videovigilancia xriqitaj pa le nimaja k’olib’al, ri tzukum chik upam pa le 10 rech marzo kanoq. Are chi’ xchap loq a Brandon “N”, 19 ujunab’ xuquje’ a Ludwin “N”, 18 ujunab’, ri xriqitaj awan kunb’al ruk’. Pa le q’ij ri’ k’o jun chik winaq xchap b’i pa q’atb’al tzij rumal ri b’anow k’ax ri’.
Xechap k’ut a Wagner N xuquje’ a Estuardo N, eri e keb’ 57 kijunab’, pa jun nimaja achochib’al ri xtzukux upam pa le barrio El Rosario, Amatitlán ri’. Eri a Wagner ri’ eri umak kab’ixik are b’anow k’ayin jastaq maj tojb’al kub’an chi rij pa q’atb’al tzij, eri a Estuardo ri’ eri umak xub’ano kab’ixik k’o ixoq xunawilij ukamisaxik.
Pa le puqtzukunem ri’, xeriqitaj loq 100 chi k’olib’alil ruk’ cocaína ri’, 65 chi k’olib’al rech eqam ruk’ marihuana ri’, Q60,741 chi pwaq b’otolik, are ri pwaq ri’ rech rajil ri k’ayin awan kunb’al. Xuquje’, xriq jun carabina, jun alaj k’aqb’al q’aq’, 30 ub’aq’ k’aqb’al q’aq’, xuquje’ oxlajuj chi ch’aweb’alib’alil rech eqam.
Pa le kilómetro 51 nimab’e ruta Interamericana, pa juyub’al rech El Tejar, Chimaltenango ri’, che ri xchap wi al Nashildred N, 33 ujunab’, ri kab’ixik are ajk’ayil taq awan jastaq kunb’al chi la’ k’ut. Ruk’ ri are xriq wi 7 chi k’olib’alil rech eqam ruk’ marihuana ri’, 8 ware k’olib’alil ruk’ cocaína ri’ xuquje’ ruk’ Q 700 chi pwaq b’otolik.
Pa le ch’aweb’alib’alil 110 kuk’ ri PNC, pa le 1561 Crime Stoppers xuquje’ pa le 1577 antinarcótica ya’tal ri’ chi ke ri winaqilal rech wexa’ k’o ri k’ax kakilo rech chi la’ kakib’ij wi loq. Eri jujun taq ub’ixik ri’ are k’o nim upatanib’al chi ke ri wokajil ajchajin tinamit rech kakiterne’j uya’ik uchuq’ab’ ri b’anoj chajinem rech kaq’atexik ri b’anow k’ax pa rulewal taq ri amaq’ tinamit aj iximulew ri’.