E k’o e keb’ pandilleros salvadoreños xechapataj kumal taq reqa’lenelab’ ri Centro Antipandillas Transnacional (CAT) rech ri Wokajil Ajchajin Tinamit (PNC), are chi’ xb’an ri puqchajinem katzukuxik pa le tinamit rech Ayutla, San Marcos. E’are k’ut a Marcos Asael Gámez Saldaña, 32 ujunab’, apodado “Skeeper”, kab’ixik are uwinaq ri pandilla rech ri Barrio 18, xuquje’ a Ernesto Linares Molina, 44 ujunab’, ukojomb’i’a’j “Sleyer”, are kab’ixik uwinaq ri Mara Salvatrucha (MS-13) ri’.
Eri a Gámez Saldaña are kab’ixik e ajk’aqal winaq pa le pandilla rech ri Barrio 18 pa utinamit kape wi ri are.
Xuquje’ ri are xtaq loq uchapik rumal ri q’atb’al tzij salvadoreña rumal xub’an ri k’axalaj kamisanem xuquje’ rumal k’o pa molaj b’anoj k’ax ri’. Rumal ri’ xtaq loq uchapik rumal jun q’atb’al tzij rech El Salvador, pa le 22 rech enero rech ri’ 2019.
Eri a Linares Molina k’o kajib’ b’anoj k’ax umak xub’an pa El Salvador ri’, eri umak xe’utech’o xe’upuch’ winaq, k’o elaq’ xub’ano, k’o k’aqb’al xreqaj xub’an k’ax ruk’ xuquje’ e k’o winaq xe’uxib’ij chi k’aqb’alil, eri umak ri’ are la’ xub’a pa taq le junab’ 2000 pa le 2002 ri’.
Kab’ixik eri nik’aj winaq ri’ tajin e b’enaq pa Estados Unidos rech América xa’ kiwajom kib’ xa’ kiwajom kib’ chi kiwach ri q’atb’al tzij e b’enaq ri’, k’a te xkina’o xechapatajik kumal rajtzukunelab’ ajchajin tinamitpa taq rulewal ri tinamit rech Ayutla. Are chi’ ti xechapik, xek’am b’i pa runimal rachoch le Migración k’o pa le zona, rech kejach b’i pa kaq’ab’ ri q’atb’al tzij salvadoreñas ri’ rech kek’oji ta chik pa rulewal qatinamit.
Ruk ri kichapik loq, e kab’lajuj chik chi pandilleros salvadoreños e chapom pa junab’ ri’ keriqitaj pa japache’ tz’apib’al rumal k’o ri k’ax xkib’an pa taq katinamit, xuquje’ e k’o oxlajuj e e’esam b’i pa rulewal qatinamit pawe junab’ ri’. Sib’alaj rajawaxik kaqaya utzijol che k’o nim upatan katzukuxik xb’anik rech xeq’atexik xechapik kumal ri wokajil ajchajin tinamit ri’ rech b’a’ kaya nim uchuq’ab’il ri utzalaj kaq’atexik ri molaj e’ajb’anol k’ax ri’.