E k’o keb’ uwinaq ri jun Pandill rech ri Barrio 18 xechap loq kumal ri reqa’lenelab’ ri Comisaría 71 rech ri Wokajil Ajchajin Tinamit (PNC), pa le parque rech ri aldea San Mateo Milpas Altas, rech Antigua Guatemala, Sacatepéquez ri’. E’are k’ut a Erickson N, 25 ujunab’, ukojomb’i’aj “El Zombie”; xuquje’ a Ludwing N, 28 ujunab’, ukojomb’i’aj “El Negro” ri’.
Eri nik’aj winaq ri’ e’are xkik’aq ri jun nim granada rech poq’an q’aq’ chi kij ri e’ajchajin tinamit che ri ketajin pa chajinem rech uq’atexik taq ri k’ax chi la’ pa le wokja ri’.
En k’u ri jun nim poq’sal q’aq’ ri’ kow xutawij rib’ ruk’ le ch’ich’ b’insam b’i, ri xtzaq b’i pa le jardín rch le parque, ri man xpoq’ taj.
Pa aninaqil k’ut, eri wokajil ajchajin tinamit xkichap loq nik’aj e b’anol k’ax xuquje’ xkiq’atij uwach ri poq’sal q’aq’ rech maj jun kuriq tane’ rumal. Pa komonchak kuk’ rajeqa’lenel le División rech Investigación rech Armas xuquje’ Explosivos ri’ ub’i’ (DIDAE) rech ri PNC, xuquje’ kuk’ rajq’atol tzij ri MP, rech xkitulisaj uwach ri nim poq’sal q’aq’ ri’ rech xkichap loq nik’aj b’anol k’ax chi la’.
Rumal ri’ xe’opan chi la’ jupuq chi winaqil rech xakich’ayo ri jun “El Zombie”. Rumal ri’ eri ajchajin tinamit xkesaj b’i nik’aj winaq chi la’ k’ut rech man kech’ay taj keporox taj.