Eri reqa’lenelab’ rech ri Wokajil Ajchajin Tinamit (PNC) xkichap loq e wajxaqib’ chi uwinaqil ri jun molaj b’anol k’ax rech kaxonach’ich’, pa jun puqtzukunem xb’an kumal ajchajin tinamit pa le xechap wi loq nik’aj b’anol k’ax ri’ ri xkaj xekanimajik. Rumal ri’ eri e’are xechap loq pa 20’ rech mayo pa le kilómetro 55, pa rulewal tinamit Sanarate, El Progreso ri’, pa nimab’e kab’e pa Atlántico.
Eri ajchajin tinamit xkichap loq a Erick “N”, 27 ujunab’; a Byron “N”, 32 ujunab’; a Brandon “N”, 27 ujunab’; a Fredy “N”, 30 ujunab’; a Jonathan “N”, 24 ujunab’; a Byron “N”, 34 ujunab’; a Cristhofer “N”, 28 ujunab’, xuquje’ a Pascual “N”, 66 ujunab’. Eri nik’aj winaq ri’ kab’ixik xek’am b’ipa q’atb’al tzij chi rij taq ri k’ax xkib’ano. Xaqt xechap k’ut are rumal xterne’x kachapik rumal xkeleq’aj keb’ chi ch’ich’ rech ereb’al eqa’n xuquje’ kaxonach’ich’ pa nimab’e kab’e pa Atlántico ri’.