Eri Jupuqil rech ri Comando Antisecuestros rech ri División Especializada rech Investigación Criminal (DEIC) rech ri Wokajil Ajchajin Tinamit (PNC) sib’alaj xkiq’atij jun molaj chi ajb’anol k’ax ri kakeleq’aj winaq ri’ kib’i’ Los Incrueles” xuquje’ rumal ri’ xkichap loq e’oxib’ chi winaqil pa taq ri puqtzukunem xb’an pawe q’ij kimik pa Tactic xuquje’ pa Santa Cruz Verapaz, Alta Verapaz ri’.
Eri nik’aj b’anol k’ax xechapatajik e’are k’ut a Benedicto “N”, 48 ujunab’; al María Ofelia “N”, 37 ujunab’ ri’, xuque’ a Mariano “N”, 33 ujunab’, ri xtaq kichapik rumal ri jun q’atb’al tzij ri’ rumal xkeleq’aj winaq rech xkib’an k’ax chi re ri’.
Eri nik’aj winaq ri’ e’are kab’ixik xkeleq’aj keb’ taq ak’alab’ ri jun kajib’ ujunab’ ri junaj chik waqib’ ujunab’, pa 28 rech noviembre kanoq, pa San Cristóbal Verapaz ri’. Xuquje’ eri winaq b’anol k’ax ri’ sib’alaj xkitoq’ij apan Q150 mil chi kij ri keb’ taq ak’alab’ ri’ chi ke ri kitat nan rech kakitzoqopij loq. Eri taq ak’alab’ ri’ utz kuwach xeriqitajik pa le nab’e uwach wuqq’ij rech diciembre ri’.
Eri K’amal B’e rech ri PNC, David Custodio Botero, sib’alaj xub’ij eri chak tzukunem xb’antaj ruma ri Comando Antisecuestros e’are ri’ sib’alaj xekowonik xkiriq loq ri keb’ taq ak’alab’. Jeri’ xuya utzijol che pa junab’ ri’, xb’antaj kowonem e chapom chik e oxlajujn chi molaj ajb’anol k’ax kakeleq’aj winaq xuquje’ b’anom chik kowonem e chapom chik e 86 chi winaqil e’ajb’anol k’ax ri’.