E rajtzukunel ri jun Wokaj Ajchajinelab’ kib’i’ kab’ixik División Especializada rech investigación Criminal (DEIC), rech ri Wokajil Ajchajin Tinamit ub’i’ kab’ixik (PNC) pa utaqexik chi jumul ri uq’atexiuk ri b’anoj k’ax chech ri kik’aslemalil, jeri’ uq’atexik ri elaq’nik xuquje’ ri keleq’axik ri kejach’ich’ kuk’ ri ch’ich’ keb’inisaxik. Xkib’an ri tzukunem pa kachoch winaq pa Escuintla, Iximulew xuquje’ pa Chiquimula ri’.
Pa taq ri tzukunem pa junamamil kab’an pawe q’ij jueves ri’, pa Escuintla, pa Nimatinamit Iximulew xuquje’ pa Chiquimula, xb’an kichapik e’oxlajuj chi uwinaqil ri jun molaj b’anol k’ax ri’, e’are’ kab’ixik xkib’an k’ax pa kimolaj, xkib’an ri elaq’; xkichomaj b’anoj k’ax elaq’nik; e k’o ch’ich’ keb’inisaxik xkeleq’aj ri’ che ri keleq’am e’are’ ruk’ taq ri ch’ich’ keleq’am loq pa taq nimatinamit keriqitaj naj.
Eri tzukunelab’ kakib’ij, eri jun molaj winaq e’ajb’anol k’ax ri’ sib’alaj kakixib’ij ri winaq are chi’ kakeleq’aj loq kijastaq meb’il kuk’ taq ri kich’ich’ kakib’insaj. Xuquje’ pa taq ri tzukunem pa kachoch winaq ri’ kiriqom loq k’i taq uch’aqapil taq ch’ich’, kejach’ich’ ri keleq’am kuk’ ri winaqil, ruk’ taq k’olib’al rech kakol awan jastaq awan kunb’al ri’.
Eri xechap loq e’are’ ri’ a Carlos “N” Chipilin q’ab’em ub’i’, a Osiel “N” le Indio q’ab’em ub’i’, a Ronal “N”, a José “N”, a Wilmer “N”, a Héctor “N”, al Rosa “N”, a Duglas “N”, a Mario “N”, a Fredy “N”, a Lester “N”, xuquje’ a Sergio “N” ri’. Ri k’o wajxaqib’ chi k’aqb’al q’aq’, jeri’ 31 chi ch’aweb’alib’al ri’ xuquje’ ruk’ Q30 mil chi pwaqil aj iximulewal.
Eri Q’atb’al tzij rech ri Ministerio rech Gobernación, sib’alaj xkib’ij che ri keqale’n kichak rech kaq’atexik ri nik’aj molaj e’ajb’anol k’ax ri’ rech kek’am b’i konojel pa taq q’atb’al tzij rech kiq’atexik ri nik’aj molaj winaq e’ajb’anol k’ax chi ke ri winaqilal.