Eri ajchajinelab’ rech ri Subdirección General rech Análisis rech Información Antinarcótica (SGAIA) ri’ rech ri Wokajil Ajchajil Tinamit ub’i’ (PNC), xkichap loq oxib’ chi k’ayinelab’ awan kunb’al pa le vía 4, ruta 4, zona 4 rech ri nimatinamit.
Eri xechapatajik e are a Augner Castellanos Estrada, a Enrique Leonardo Peña Fuentes xuquje’ a Jonatán Andrés Varela ri’, ri kab’ixik taqim kchapik ri’ rumal k’ayin awan kunb’al, rumal e ajq’axel awan kunb’al, rumal xkimol xkikol kuk’ xuquje’ rumal choman b’anoj k’ax, rumal ri’ xtaq kchapik rumal ri q’atb’al tzij rech Iximulew, pa le 14 rech julio rech pa junab’ ri’.
Eri tzukunem xb’an ri’
Rumal wari’ eri ajchajinelab’ e ajq’atel awan kunb’al pa komonchak kuk’ ri q’atol tzij rech ri Ministerio Público (MP), xkib’an k’i taq tzukunem, solinik xuquje’ pa taq ri wokja rech pa nimatinamit ri’.
Eri wokajil ajchajil tinamit ri’ xkib’ij ri’ che ri puqchajinem tzukunik are la’ xb’antaj ri’ rech xechapik ri uwinaqil taq b’anol k’ax che ri kakik’ayij awan kunb’al ri’.
Rumal ri’ eri q’atb’al tzij xkitzuj ri’ che ri xriqitajik keb’ chi k’aqb’al, pwaq xuquje’ awan kunb’al pa jun nimaja xtzukux ri’.
Are la’ k’o na kaya ub’ixik ri’.