Pa jun tzukunik xb’an kumal ri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) xkichap keb’ chi pandilleros are chi’ keqam k’aqb’al pa jun ch’ich’. Eri tzukunik ri’ are ri xechapik pa le oxib’ q’ij rech agosto pa le 8ª avenida xuquje’ 13 calle, zona 1 rech pa uk’u’x nimatinamit
Eri xechapik e are ri’: a Mynor Giovanni Moscoso Catalán, 52 ujunab’ xuquje’ a Keneth Eduardo Grijalva Chapot, 22 ujunab’, e uwinaqil ri Mara Salvatrucha ri’. Chi la’ k’ut xriqtaj wi ju raqarik k’aqb’al, keb’ chik k’aqb’al, oxib’ bilobal ub’aq’ k’aqb’al, 58 chi ub’aq’ k’aqb’al utz kakojik xuquje’ oxib’ chi ch’aweb’alil ri are la’ tajin utzukuxik utzijol ri’.
Are chi’ xilo taj utzijolil kumal ri PNC, xch’ob’otajik che ri a Moscoso ri’ k’o oxib’ mul okinaq chik pache’ rumal b’anoj elaq’, rumal xreleq’aj uwach wujilal xuque’ rumal man kuya ta kirajil ri ralk’uwal ri rixoqil pa rachoch.
Eri jun a Grijalva ri’ k’o oxib’ uwach umak ub’anik ri’ rumal b’anoj k’ax xuquje’ rumal reqam k’aqb’alil maj pa usaqil ri’. Ri jun achi ri’ k’a te lajuj q’ij elinaq loq pache’ ri’.
Eri ajchajil tinamit e are xkik’am b’i nik’aj winaq ri’ pa jun q’atb’al tzij, chi la’ k’ut rajwaxik kechomax wiri’. Sib’alaj tajin utzukuxik kitzijolil chi rij ri k’aqb’alil xriqitaj kuk’ rumal are la’ xkikoj pa jun b’anoj k’aqanik chi la’ k’ut.