Pa aninaqil k’ut xeb’e ri reqa’lenelab’ ri Comisaría 11 rech ri Wokajil Ajchajil Tinamit (PNC) che kachapik ri keb’ uwinaqil ri Mara Salvatrucha (MS), e’are kab’ixik xkib’an jun k’aqanik ri’. Rumal ri’ xechap pa 12 rech febrero ri’ are chi’ ri xk’is koqataxik pa le 6ª avenida xuquje’ 3ª calle rech ri zona 1 rech runimal tinamit ri’.
E’are k’ut a Diego N, xuquje’ a Ángel N, ri e keb’ ri’ xkib’an jun k’aqanik rech xkikamisaj jun achi 35 ujunab’, xkisok jun achi 15 ujunab’, eri keb’ b’anol k’ax ri’ e’uwinaqil ri jun clica clica Maestros rech ri Danza Rapera (MDR) rech ri pandilla rech ri Barrio 18, ri’. Eria chi xkikamisaj are ub’i’ a Elías N, xq’alajinik che chapom kanoq rumal reqam k’aqb’al ri’. Ri jun k’aqanik ri’ are xb’an pa le 8ª calle xuquje’ 5ª avenida rech le zona rech pa uk’u’x nimatinamit ri’.
Eri nik’aj winaq ri’ xechapatajik are chi’ xkanij kib’ chi rij jun kejach’ich’ ruk’ ri placas reqam M 857JHX, ri qaraj are k’aqb’al xeleq’ax kumal nik’aj winaq keqam k’aqb’al pa jun k’olib’al rech ri colonia Lomas de San José, zona 0 rech San Pedro Ayampuc, rech Iximule ri’, pa le 29 rech agosto rech 2024. Eri jun achi ub’i’ Ángel N k’o umak ch’ojinik ub’anom pa tinamit ri’, pa le 7 rech marzo rech 2020, ri’.
Are chi’ xchapik, eri wokajil ajchajil tinamit xkiriq jun k’aqb’al maj uwuj eqam, jun cargador, ruk’ kab’lajuj ub’aq’ k’aqb’al ri utz kakojik. Eri jun k’aqb’al ri’ xriqik are kab’ixik eleq’am b’i pa le zona 6 rech ri runimal tinamit, pa le 27 rech enero rech pa junab’ ri’. Eri keb’ winaq ri’ xek’am b’i pa q’atb’al tzij chi rij ri kimak xkib’an ri’ rech kechomaxik.
Eri q’atb’al tzij ri’ xkiya utzijol che ri jun k’aqanik xb’anik are xa’rumal k’o ri ch’oj chi kuwach ri keb’ pandillas kakik’ule’lej kib’. Rumal ri’ xmajtja ri tzukunem chi kij rech kaq’alajisax ri kimak kib’anom ri’.