Eri puq ajtzukunelab’ rech ri Wokajil Ajchajin Tinamit (PNC) xekowon che ujamik ri nimab’e pa taq tinamit ri’, che ri xeriqitaj wi ri winaqil kiq’atim ri nimab’e. Xb’an unimaxik ri q’atom ub’ixik ri k’o pa le ub’anikil ri taqanem, rech kab’an unimaxik ri ya’tal chi kech ri winaqilal pa tinamit.
Eri K’amal B’e Amaq’ Bernardo Arévalo, pa le xuya utzijoxik pa le keme’uwachwuj X, chi la’ k’ut xub’j che sib’alaj xkikoj kachuq’ab’ ri wokajil ajchajin tinamit pa le ujamik uwach ri nimab’e Calzada Roovelt, chi la’ pa le Trébol. “ Eri PNC katjain che kesaxik ri winaq ri ch’ich’ ri kaq’atim ri nimab’e, chi la’ k’ut xunimax ub’anikil ri taqanem ri’. Ri e k’o che uchomaxik ri rajawaxik chi ke ri tinamit. Kaqaya ta qib’ kakib’an ri k’ax ri’”, xcha’.
Eri Ministro rech Gobernación, Francisco Jiménez, xuya utzijolil pa le keme’uwachwuj tzijol ri’, chi la’ k’ut xuya wi ub’ixik che ronojel taq nimabe’ e q’atim, xejamataj ri’. Xuquje’ xuya uq’ij ri chak patan xb’antaj ri wokajil ajchajin tinamit ri’ pa le juk’al lajuj chi q’atenik nimab’e b’anom ri’, chi la’ xkinimaj wi jacha ri kub’ij ri q’atoj tzij taqanem ri’. “Ya’tal chi ke ronojel utob’anik ri nima wokajilal ri’”, xcha’.
Eri riqon ib’ kumal ri wokajil ajchajin tinamit rech xchomaxik kuk’ ri e’ajch’ojin tzij ri’ are xub’an upatan rech xjamataj ri nimab’e pa taq tinamit pa amaq’il, man ruk’ taq ch’ojinik xjamataj kib’e ri ch’ich’ keb’insax pa taq nimab’e ri’. Ruk’ ri banoj chomanem ri’ eri Wokom K’amal B’e Iximulew ruk’ uchakunik ri Ministerio rech Gobernación (MINGOB) rech kub’isam ujamik kib’e ri winaqil pa tinamit, rech b’a’ pa utzilem kek’oji ri’.