Erl k’utuwem are xk’am ub’e ub’anik rumal ri k’amal b’e Amaq’, Bernardo Arévalo, ri sib’alaj xub’ij che ri uchapik ukojik ri k’ak’ kemechakub’al no’jb’anem ri’ kuya uchuq’ab’ ri jastaq pa saqil, rech kachupisax uwach ri b’anow Itzel xuquje’ rech kak’am chik uq’ab’il ri kub’al kik’u’x ri winaqilal chi ke taq ri taqawokajil rech ri Amaq’. Jeri’ xub’ij che ri cholchak rech b’anik k’ak’ che uwach ub’anik ri Amaq’ ri sib’alaj utz, ri ya’talil pa q’ijolil ri k’o naqaj che kuchomaxik ri rajawaxik chi ke ri winaqilal pa tinamit.
Rumal ri’, eri ministro rech Gobernación, Marco Antonio Villeda, xub’ij che ri k’ak’ taq keme’uwach b’anow ri’ kub’an chi ke ri winaqilal rech k’ax taj kakitijo rech wexa’ k’o kakitatab’ej pa le uwachwuj pa kaqiq’ ri’ che ri tajin kachakux kumal taq ri gobernaciones departamentales ri’. Xub’ij che ri b’anob’alil ri’ are xb’anik ruk’ ri k’uttz’aqanem b’antajel ri’, ri kub’an ri k’ak’ taq chak patan ri’ jacha uchamaxik taq ri rajawaxik pa taqawokajilal ri’.
Eri ajpatanel ri’ xuquje’ xub’ij che ri k’ak’ no’jb’anem ri’ are kujunumisaj ub’anik uwach ri’ pa le gobernaciones departamentales, ruk’ ri utaqixik ri junam uwach ri’, rech kutoq’ij uchomaxik ri kakita’o ri winaqilal xuquje’ rech kaya uchuq’ab’ ri b’anob’alil pa saqil pa le b’anik taq ri chak patan pa amaq’ tinamit.
Pa le riqonem ib’ xetatab’enik ri q’atb’al tzij rech ri Amaq’ Taqawokajil rech Iximulew, ri ajchomanelab’ rech ri kemon tob’anem kumal amaq’ib’ xuquje’ ri uwinaqilal ri e’ajch’a’wenel rech taq amaq’ib’. Pa ub’i’ ri Ministerio rech Gobernación ri’ xtatab’en le viceministra rech Tecnología, Karen Ortiz.
Ruk’ ri b’anob’alil ri’, eri Taqawokajil Amaq’ rech Iximulew ketajin che ya’ik uchuq’ab’ ri k’ak’ kemechakub’al rech no’jib’anib’alil rech chi ke ri winaqilal pa amaq’ tinamit rech ya’ik uchuq’ab’ ri chak pa wokajilal, rech kab’an ri chak patan ri’, rech utz ub’anik ri jachon chak xuquje’ rech ya’ik uchuq’ab’ ri b’anem pa saqil xuquje’ pa ya’ik utzijolil ri ub’ixikil chak chi ke ri winaqilal pa amaq’ tinamit.