Eri reqa’lenel ri Departamento rech Investigación rech Delitos Financieros xuquje’ Económicos rech ri Wokaj Ajchajil Tinamit (PNC), pa komonchak ruk’ ri Q’atb’al tzij rech Fiscalía rech Q’ateb’al Delitos Transnacionales ri’ rech ri Ministerio Público (MP) ri’ kamik xkib’an k’ut jun nim kaq’atexik ri jun molaj b’anol k’ax ub’i’ “Ciber Estafas Catfish” pa Santa Catarina Pinula, Villa Nueva xuquje’ pa nimatinamit, recj xtaqixik kaq’atexik jun molaj b’anol k’ax ri kakib’an elaq’ ruk’ jo’sanem taqon oqxa’nib’al ri’ kakib’ij taqom loq pa nimatinamit naj ri’.
Eri tzukunelab’ xkib’ij, eri nik’aj elaq’omab’ ri’ e are xkib’an rilik kicho’ik ri winaq xkib’an k’ax chi ke pa le uwachwuj pa kaqiq’, rech xkib’ij chi ke che e are kachalal keriqitaj pa nimatinamit naj. Are chi’ xkikub’isaj kik’u’x ri winaqil, kakib’ij ch ike chi k’o jun ki’oqxa’nib’al naj taqom wi loq, rumal ri’ rajwaxik kakiya kib’i’ xuquje’ qaraj petinaq awan jastaq chi upam. Te k’u ri’, kakita pwaq chi ke rech kakikoj pa ja k’olime’r, kakib’ij rech kajach ri oqxa’nib’al pa kaq’ab’. Te k’u ri’, ketoq’in chi rij nik’aj chik pwaq, are chi’ we xtaq ri pwaq chi ke, Kech’a’w ta chi loq kuk’, rumal xa’ xkeleq’aj kirajil kipwaq ri winaq ri’.
Are chi’ xetzukuxik xb’antaj kowonem e kajib’ chi b’anol k’ax ri’ e uwinaqil ri jun molaj elaq’omab’ xechapik, e keb’ achijab’, e keb’ ixoqib’ ri’. Eri nik’aj winaq ri’ kab’ixik k’o nik’aj chik elaq’ xkib’an ri’. Pa le b’anoj katzukuxik ri’, eri wokajil ajchajil tinamit xkiriq k’ut k’i ch’a’web’alib’al, k’i wuj rech pwaq xtaq chi ke pa ja k’olime’r xuquje’ ruk’ awan jastaq ri’, are la’ xpisik xk’am b’i kumal ri q’atb’al tzij rech kakitzukuj juntir uwach ri’ rech kakiq’alajisaj ri kimak ri’.
Eri Q’attaqanel Amaq’ Tinamit pa reqele’n uchak ri Ministerio rech Gobernación ri’ ketajin che katzukuxik rech kakiq’atij kuwach xuquje’ rech kakiq’atij ri b’anoj k’ax ri’ xuquje’ rech kakichap loq ri molajil b’anol k’ax ri’ che ri kakib’an elaq’ chi ke ri winaqilal e aj iximulew.