Pa jun puqtzukunem kumal taqawokajilal xb’an pa le colonia San Rafael II, zona 18 rech ri uk’u’x nimatinamit Iximulew ri’, eri q’atb’al tzij xkesaj ri esab’al rachib’al ri pa awalik e kojom chi la’ k’ut kumal uwinaqil ri Barrio 18 rech kakichajij ri winaqil chi la’ ri keriqitaj wiri’ xuquje’ rech kakilo are chi’ ke’opan ri wokajil ajchajin tinamit ri’. Are la’ xb’antaj pa le krusb’e rech ri 13 avenida xuquje’ 12 calle, pa jun tijowchuq’ab’ kemonchak xb’antaj kimal reqa’lenelab’ taq ri chakub’al ja ri’ rech ri Wokajil Ajchajin Tinamit (PNC), kuk’ ri Policía Municipal xuquje’ kuk’ ri Wokajil Ajchajin Amaq’ Iximulew. Chi la’ k’ut xkiriq wi xkesaj wi ri resal achib’al chi la’ ri maj pa usaqil, are kab’ixik kikojom ri nik’aj pandilleros chi la’ pa tinamit rech kakib’an ri k’ax ri’.
Eri q’atb’al tzij xkib’ij che ri jupuq chi kemejastaqil ri’ are kikojom pa ub’anik taq ri k’ax chi ke ri winaqilal chi la’ k’ut, xuquje’ ruk’ ri resaxik taq chi la’ rech katerne’x ri b’anoj chainem chi la’ k’ut xuquje’ rech kechajix konojel ri winaqil e jaqak chi la’ k’ut rech uya’ik uchuq’ab’ ri b’anoj chajinem ri’ rechuq’atexik kiwach nik’aj e’ajb’anol k’ax ri’. Eri puqtzukunem chi la’are rech kesax loq ri esal rachib’al chajinem kumal nik’aj b’anol k’ax chi la’, xuquje’ rech katerne’x ub’anik ri puqtzukunem che kaqan xuquje’ pa amaq’el chajinem kumal ri wokajil ajchajin tinamit rech keq’atexik nik’aj mareros che kiq’atim uwach ri k’olib’alil chi la’ k’ut.
K’o nim upatanib’al rech kaqaya ub’ixik chi k’o ri nimachak b’anom ri’ jacha ri katajin ub’anik rumal ri Ministerio rech Gobernación. Pa k’isb’al rech ik’ enero kanoq eri q’atb’al tzij xkiriqo, xkesaj resab’al achib’al rech videovigilancia ri kojom pa awalik pa taq ri jalajoj taq k’olib’em rech ri zona 18, jacha pa le bulevar San Rafael ri’, pa le bulevar Alamedas III ri’ xuquje’ pa le colonia El Limón ri’, ri okisam kimal pandilleros are uwach ri jun molaj uterne’xik rachib’al chajinem ri’ rech ke’ilik kopanik ri e’ajchajin tinamit xuquje’ rech kakib’an ri k’ax chi ke chi la’.