Pa 26 rech mayo ri’, eri ajchajinelab’ rech taq ri divisiones, secciones xuquje’ departamentos rech ri Wokajil Ajchajil Tinamit (PNC) xuquje’ kuk’ rajchajinel ri Fuerz Élite rech ri Sistema Penitenciario (SP) xkib’an jun tzukunem pa le japache’ tz’apib’al Centro Carcelario Fraijanes II, chi la’ k’ut xetas e kajib’ chi e ajtaqanel uwinaqil ri molaj b’anol k’ax ub’i’ Rueda del Barrio 18.
Eri tzukunem ri’ are xb’an usolixik rumal ri K’amal B’e rech ri PNC, Davis Custodio Boteo xuquje’ rumal ri K’amal B’e rech ri Sistema Penitenciario, Sergio Vela. Xuquje’ are jun pa le komonchak ri Subdirector rech Investigación Criminal, Edis Fabián, ri taqanel rech ri Wokajil Ajq’atenel taq Pandillas (DIPANDA) rech ri División Especializada rech Investigación Criminal (DEIC) xuquje’ nik’aj chik comisarías ri’.
Eri xb’anik ri’ are la’ rech katerenb’ex ub’anik tzukunik chi rij uq’alajisaxik ri ukamikal ri ala ajb’ixonel Jorge Sebastián “Farriko” Pop. Are chi’ xb’antaj ri tzukunem ri’ xtasik ri jun achi a Saúl Eduardo Izep Vásquez, a Luis Yeferson Rosales Flores, a Eduardo Salvador González Velásquez xuquje’ a Aldo Ochoa Mejía Dupie ri’. Xriqitaj jun ch’a’web’al ri katzukux juntir utzijolil ri’.
Eri a Sergio Vela, K’amal B’e rech ri Sistema Penitenciario, eri nim chajinem kab’an pa le japache’ tz’apib’al ri’.
Eri q’atb’al tzij ri’ sib’alaj kakib’ij chi ke ri winaqilal rech chakib’ij loq ri k’ax pa le 1574 xuquje’ 110 ri’,